नाशिक जिल्ह्यातील पुढची सभा छगन भुजबळ यांच्या निवडणुकीची : सुप्रिया सुळे

'माजी उपमुख्यमंत्री छगन भुजबळ यांनी माझ्यावर लेकीसारखे प्रेमकेले. त्यामुळे येवल्याला मी माहेर मानते. नाशिक जिल्ह्यात पुढची सभा असेल ती छगन भुजबळ यांच्या समवेत व त्यांच्याच निवडणुकीची असेल,' असे प्रतिपादन राष्ट्रवादी काँग्रेसच्या नेत्या खासदार सुप्रिया सुळे यांनी येथे केले.
नाशिक जिल्ह्यातील पुढची सभा छगन भुजबळ यांच्या निवडणुकीची : सुप्रिया सुळे

नाशिक : 'माजी उपमुख्यमंत्री छगन भुजबळ यांनी माझ्यावर लेकीसारखे प्रेम
केले. त्यामुळे येवल्याला मी माहेर मानते. नाशिक जिल्ह्यात पुढची सभा असेल ती छगन भुजबळ यांच्या समवेत व त्यांच्याच निवडणुकीची असेल,' असे प्रतिपादन राष्ट्रवादी काँग्रेसच्या नेत्या खासदार सुप्रिया सुळे यांनी येथे केले. 

राष्ट्रवादी काँग्रेसतर्फे राज्य सरकारच्या निषेधार्थ सुरु असलेल्या हल्ला बोल यात्रेचा काल नाशिक जिल्ह्यात प्रवेश झाला. येवला येथील सभेनंतर आज निफाड, दिंडोरी येथे त्यांच्या सभा झाल्या. त्याला मोठी उपस्थिती होती. यावेळी खासदार सुळे  म्हणाल्या, "माझ्यासाठी येवला माहेर आहे. कारण भुजबळ साहेबांनी माझ्यावर लेकी सारखे प्रेम केले आहे. त्यामुळे मागील बावीस महिन्यांपासून आमच्यातही अस्वस्थता आहे. आम्ही आता गप्प आहोत कारण प्रकरण न्यायालयात आहे. मात्र, वेळ आल्यावर महाराष्ट्रातली जनता आणि नियती हे कृत्य करणाऱ्यांना माफ करणार नाही.''

त्या पुढे म्हणाल्या, ''आज भुजबळ यांची अनुपस्थिती जाणवते आहे. मात्र पुढची सभा भुजबळांच्या उपस्थितीतच होईल. ती सभा भुजबळांच्या निवडणुक प्रचाराची असेल. राज्य सरकार सुडबुध्दीने जे करते आहे त्याचा जाब त्यांना द्यावाच लागेल. जनता त्याचे उत्तर मागेल."

आज झालेल्या सर्व सभांना मोठा प्रतिसाद मिळाला. यावेळी  माजी मंत्री जयंत पाटील, दिलीप वळसे पाटील, प्रदेशाध्यक्ष सुनील तटकरे, आमदार जितेंद्र आव्हाड, महिला आघाडीच्या प्रदेशाध्यक्षा चित्रा वाघ, माजी मंत्री शशिकांत शिंदे, प्रवक्ते नवाब मलिक, आमदार हेमंत टकले, माजी आमदार दिलीप बनकर, कादवा साखर कारखान्याचे अध्यक्ष श्रीराम शेटे, जिल्हाध्यक्ष अॅड. रवींद्र पगार, अॅड. प्रेरणा बलकवडे उपस्थित होते.
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com