दहा वर्षात 44,800 आश्‍वासने पूर्ण केली : हर्षवर्धन पाटील 

"मी सहा मुख्यमंत्र्यांबरोबर काम केले आहे. वीस वर्षे आमदार आणि मंत्री म्हणुन काम केले. राज्यात सर्वाधीक दहा वर्षे संसदीय कार्यमंत्री राहिलो आहे. या काळात 44,800 आश्‍वासने पूर्ण केली आहेत. सार्वजनिक जिवनात एव्हढे काम करण्याची संधी फार थोड्या लोकांना मिळते. त्याचे समाधान आहे," असे माजी मंत्री व काँग्रेस नेते हर्षवर्धन पाटील यांनी 'सरकारनामा'शी बोलताना सांगितले.
दहा वर्षात 44,800 आश्‍वासने पूर्ण केली : हर्षवर्धन पाटील 

नाशिक : "मी सहा मुख्यमंत्र्यांबरोबर काम केले आहे. वीस वर्षे आमदार आणि मंत्री म्हणुन काम केले. राज्यात सर्वाधीक दहा वर्षे संसदीय कार्यमंत्री राहिलो आहे. या काळात 44,800 आश्‍वासने पूर्ण केली आहेत. सार्वजनिक जिवनात एव्हढे काम करण्याची संधी फार थोड्या लोकांना मिळते. त्याचे समाधान आहे," असे माजी मंत्री व काँग्रेस नेते हर्षवर्धन पाटील यांनी 'सरकारनामा'शी बोलताना सांगितले. 

पाटील यांनी सद्यस्थितीतील राजकीय स्थिती व मंत्र्यांच्या कार्यपध्दतीविषयी बोलताना त्यांनी आपल्या व्यक्तीगत, राजकीय कारकिर्दीविषयी माहिती दिली. ते म्हणाले, ''माझे काका शंकरराव पाटील पस्तीस वर्षे आमदार होते. त्यात सात वर्षे खासदार होते. वीस वर्षे मंत्री होते. त्यांच्याकडून मला राजकीय संस्कार व बरेच काही मिळाले. माझ्या मते सत्ता आल्यावर आपण कसे वागतो. बोलतो याला खुप महत्व आहे. सत्तेला नम्रतेचा अलंकार असला तर ती सत्ता शोभुन दिसते,'' 

ते पुढे म्हणाले, "मी देखील वीस वर्षे आमदार अन्‌ मंत्री राहिलो आहे. या काळात मी सहा मुख्यमंत्र्यांसमवेत काम केले. विरोधकांचे सरकार म्हणुन मनोहर जोशी व शिवसेनेची सत्ता होती. मात्र कधी आजच्या सरकारसारखा अहंकार नव्हता. दहा वर्षे मी संसदीय कार्य मंत्री होतो. त्या कालावधीत 44,800 आश्‍वासने दिली. त्याची परिपूर्तता केली. 112 विधेयके मंजुर केली. आठ ते दहा विधेयके मांडली. त्यातुन मनरेगा, माहितीचा अधिकार, रोजगाराचा अधिकार अशी सहा धोरणे देशाला मिळाली. या योगदानाचा मला सार्थ आनंद वाटतो. जे केले ते मनापासुन केले. अभ्यासपूर्वक केले. आजच्या किती मंत्र्यांना कामकाजाची, अधिकारीच माहिती आहे? हे न विचारलेलेच बरे. कोणाचे काय अधिकार याविषयी 'ब्लू बुक' असते. आजच्या सरकारमधील किती मंत्र्यांने ते माहिती असेल याबाबत न बोललेलेच बरे." 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com