एक मोदी चांगले; उरलेल्या दोघांनी देशाला काळीमा फासला : बाबा रामदेव 

पीएनबी घोटाळ्यातील नीरव मोदी व आयपीएल घोटाळ्यातील ललित मोदी यांनी देशाची प्रतिमा मलिन केली असून हे 'मोदी' देशाला काळिमा फासत असल्याची प्रतिक्रिया योगगुरु बाबा रामदेव यांनी येथे व्यक्त केली.
एक मोदी चांगले; उरलेल्या दोघांनी देशाला काळीमा फासला : बाबा रामदेव 

नागपूर : पीएनबी घोटाळ्यातील नीरव मोदी व आयपीएल घोटाळ्यातील ललित मोदी यांनी देशाची प्रतिमा मलिन केली असून हे 'मोदी' देशाला काळिमा फासत असल्याची प्रतिक्रिया योगगुरु बाबा रामदेव यांनी येथे व्यक्त केली.

बाबा रामदेव यांचे आज (ता. 19) नागपुरात आगमन झाले. तेथून ते चंद्रपूर जिल्ह्यात रवाना झाले. यापूर्वी ते प्रसार माध्यमांशी बोलताना म्हणाले, ''मी केवळ एकाच मोदींना ओळखतो. पंतप्रधान नरेंद्र मोदी देशाच्या प्रगतीसाठी कार्य करीत आहेत. इतर मोदींचे मला माहित नाही. नीरव मोदी व ललित मोदी यांनी केलेल्या घोटाळ्यामुळे देशाला नुकसान झाले आहे. देशाची प्रतिमा खराब झाली आहे. कायद्यातील तरतुदीनुसार या दोन्ही आरोपींवर कारवाई व्हायला पाहिजे. या दोघांनी केलेल्या घोटाळ्यांनी देशाला काळिमा फासली आहे.'' परंतु, यासाठी पंतप्रधान नरेंद्र मोदी यांना दोषी ठरविता येणार नाही, असेही त्यांनी स्पष्ट केले. 

पुढील वर्षापासून उत्पादन
नागपुरातील मिहान प्रकल्पात पतंजलीतर्फे सुरू होणाऱ्या फूड पार्कचे उत्पादन पुढील वर्षापासून सुरू होईल, अशी माहिती बाबा रामदेव यांनी यावेळी दिली. मिहान प्रकल्पात पतंजलीतर्फे फूड पार्कचे भूमिपूजन गेल्या वर्षी झाले होते. गेल्या डिसेंबर महिन्यात उत्पादन सुरू होईल, असे आश्‍वासन बाबा रामदेव यांनी दिले होते. परंतु, फूड पार्कमध्ये डिसेंबर महिन्यात उत्पादन सुरू होऊ शकले नाही. या संदर्भात बोलताना बाबा रामदेव म्हणाले, ''जमिनीच्या हस्तांतरणात उशिर झाल्याने नियोजित वेळेत प्रकल्प सुरू होऊ शकला नाही. आता या प्रक्रिया पूर्ण झाल्या आहेत. या प्रकल्पाचे बांधकामही सुरू झाले आहे. ही कामे काही महिन्यातच पूर्ण होणार असून उत्पादनाला पुढील वर्षापासून सुरू होईल.'' 
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com