नाशिक : परळी येथे सुरु असलेल्या धरणे आंदोलनाला पाठींब्यासाठी आज मराठा क्रांती मोर्चातर्फे मुंबई- आग्रा महामार्गावर पार्थडी फाटा येथे भजन आंदोलन करण्यात आले. मराठा समाजाला आरक्षण देण्याची सद्‌बुध्दी विठ्ठलाने राज्य शासनाला देवो अशी प्रार्थना यावेळी करण्यात आली.
सकल मराठा क्रांती मोर्चातर्फे झालेल्या या आंदोलनात मोठ्या संख्येने कार्यकर्ते सहभागी झाले होते. राज्यात अठ्ठावन्न मोर्चे निघाले. ते सर्व शांततेत झाले. मात्र, सरकारने त्याची काहीही दखल घेतली नाही, असे सांगत यावेळी पोलिसांना निवेदन देण्यात आले. आंदोलनात छत्रपती सेना, सकल मराठा समाज, मराठा क्रांती मोर्चा, अखिल भारतीय मराठा महासंघ, मराठा उद्योजक फोरम, जिजाऊ प्रतिष्ठाण, छावा मराठा महासंघ यांसह समाजाच्या विविध संघटना सहभागी झाल्या. चंद्रकांत बनकर, चेतन शेलार, निलेश शेलार, अस्मिता देशमाने, मगरसेवक दिलीप दातीर, राहुल जाधव, तुषार गवळी, विशाल पाटील, शैलेश कारले पाटील आदींसह विविध पदाधिकाऱ्यांनी भाग घेतला.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.