पुणे : मराठा समाजाच्या आरक्षणासह ज्या मागण्या आहेत त्या येत्या दोन महिन्यात मान्य न झाल्यास राज्यात 1 डिसेंबरपासून राज्यभर पुन्हा एकदा आंदोलन करण्यात येईल. हे आंदोलन कसे असेल हे आम्ही आज सांगणार नाही, पण, ते गनिमीकाव्याचे असेल असा इशारा आज मराठा क्रांती ठोक मोर्चातर्फे देण्यात आला.
ठोक मोर्चाची बैठक आज मुंबईत पार पडली. यावेळी आबासाहेब पाटील, रमेश केरे पाटील, संतोष सुर्यराव, महेश राणे आदी उपस्थित होते. मराठा समाजाने यापूर्वी राज्यात मूकमोर्चे काढले होते.त्यानंतर नुकताच राज्यभर वणवा पेटला होता.
याकडे लक्ष वेधताना आबासाहेब पाटील म्हणाले, की मराठ्यांना न्याय मिळाला पाहिजे. जर सरकारने येत्या दोन महिन्यात निर्णय घेतला नाही तर राज्यात पुन्हा तीव्र आंदोलन करण्यात येणार आहे. याची सर्वस्वी जबाबदारी सरकारची असेल. मराठा समाजाला न्याय मिळवून दिल्याशिवाय आम्ही स्वस्थ बसणार नाही. सरकारने दोन महिन्यात निर्णय घ्यावा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.