फडणवीसांचे पोस्टर लावलेला बोकड करमाळ्यात फिरवला! 

फडणवीसांचे पोस्टर लावलेला बोकड करमाळ्यात फिरवला! 

करमाळा (सोलापूर) : मराठा आरक्षणाच्या मुद्द्यावरून बोकडाच्या अंगावर व गळ्यात मुख्यमंत्री देवेंद्र फडवणीस यांचे फोटो लावून जागरण गोंधळ मोर्चा काढण्यात आला. पोथरी नाका ते तहसील कार्यालयापर्यंत हा मोर्चा काढण्यात आला होता. 

पंढरपूर वारीच्या अनुषंगाने मुख्यमंत्र्यांनी येण्याचे टाळल्यानंतर केलेल्या वक्तव्याचा निषेध यावेळी करण्यात आला. 

सकाळी साडेनऊ वाजता शहरातील पोथरे नाका येथून शेकडो आंदोलनकर्त्यांनी पोतराज, हलगी, बोकड, तुतारी व पिपाणी अशा सर्व जागरण गोंधळ घालण्याच्या निमित्ताने एकत्र झाले होते. हा मोर्चा जय महाराष्ट्र चौक, छत्रपती चौक, आंबेडकर पुतळा ते तहसील कार्यालय पर्यंत नेण्यात आला .यावेळी आंदोलकांच्यावतीने गोदावरी नदी जलसमाधी घेतलेल्या काकासाहेब शिंदे यांना भावपूर्ण श्रद्धांजली अर्पण करण्यात आली. यासाठी मुख्यमंत्र्यांना जबाबदार धरत त्यांच्यावर 302 गुन्हा दाखल करावा म्हणून 302 सह्यांचे निवेदन तहसीलदार संजय पवार यांच्याकडे देण्यात आले. 

करमाळा तहसील कार्यालयासमोर मराठा आरक्षणासाठी ता. 21 जुलैपासून ठिय्या आंदोलन सुरु असून या चार दिवसात दोन वेळा करमाळा शहर व तालुका बंद ठेवण्यात आला होते. आज तालुक्‍यातील कोर्टी,वाशिंबे भागात कडकडीत बंद पाळण्यात आला आहे. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com