फडणवीसांना दुधासारखी पांढरी शुभ्र बुद्धी मिळो; फलटणला धोंडा पूजन! 

फडणवीसांना दुधासारखी पांढरी शुभ्र बुद्धी मिळो; फलटणला धोंडा पूजन! 

फलटण : येथील मराठा समाजाच्यावतीने अधिकार गृहासमोर बसलेल्या बेमुदत ठिय्या आंदोलनाच्या आज पाचव्या दिवशी शासनाची प्रतिमा म्हणून धोंड्यांचे पूजन करून दुग्धभिषेक केला. तसेच येणाऱ्या जाणाऱ्या लोकांना गाजर वाटप करून अनोखे आंदोलन करण्यात आले. 

फडणवीस सरकारला दुधासारखी पांढरी शुभ्र बुद्धी द्यावी आणि मराठा समाजाला लवकरात लवकर आरक्षण देण्याची मागणी करण्यात आली. राज्य सरकारला अल्टीमेटम देण्यात आला की आमच्या भावनांचा उद्रेक होण्यापूर्वी निर्णय घ्यावा अन्यथा होणाऱ्या नुकसानीची पूर्ण जबाबदारी राज्य शासनाची राहील असेही सांगण्यात आले आहे. फलटण येथील अधिकार गृहासमोर गेली पाच दिवस सुरू असलेल्या बेमुदत ठिय्या आंदोलनात सकल मराठा समाजाच्या वतीने वेगवेगळ्या प्रकारे आंदोलन सुरू आहे. सरकारने मागासवर्गीय आयोगाचा अहवाल नऊ ऑगस्टपर्यंत घेऊन त्याच दिवशी सर्व बाबींची पूर्तता करून मराठा समाजाला आरक्षण द्यावे. अन्यथा या पुढे हे सरकार उलथवून टाकण्याचे काम हा मराठा समाज करेल, असा इशारा देण्यात आला आहे. 

फलटण बार असोसिएशन मराठा समाजाच्या पाठीशी असून त्यांनी आंदोलन स्थळी येऊन पाठिंबा देत मराठा समाजातील ज्यांच्यावर गुन्हे दाखल झाले आहेत. त्यांना न्यायालयात मदत करणार असल्याचे जाहीर केले. 
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com