`आशिष शेलारांची मराठा मोर्चात चमकोगिरी' 

मुंबईत निघालेल्या मराठा मोर्चातील काही मंडळी सत्ताधारी भाजप नेत्यांच्या विरोधात उघड भूमिका घेत आहेत. त्यातूनच भाजपचेमुंबई प्रदेशाध्यक्ष आशिष शेलार यांना त्याचा फटका बसला. मोर्चेकऱ्यांनी त्यांना आझाद मैदानापासून हुसकावून लावले. अर्थात शेलार यांनी त्याचा इन्कार केला.
`आशिष शेलारांची मराठा मोर्चात चमकोगिरी' 

मुंबई : मुंबई प्रदेश भाजपचे अध्यक्ष आशिष शेलार यांना आज मराठा मोर्चेकऱ्यांचा रोष पत्करावा लागला. मोर्चा सुरू होण्यापूर्वी आझाद मैदान येथे मोर्चेकऱ्यांची भेट घेण्यासाठी शेलार सकाळी तेथे पोचले होते. मात्र मोर्चेकऱ्यांनी त्यांना अटकाव केला. शेलार हे चमकोगिरी करण्यासाठी येथे आले होते, असा आरोप मराठा मोर्चा समन्वय समितीच्या पदाधिकाऱ्यांनी माध्यमांशी बोलताना केला. 

या पदाधिकाऱ्यांनी सांगितले की शेलार हे आमदार आहेत. त्यांनी विधिमंडळात मराठा समाजाचे प्रश्‍न मांडायला हवे होते. मात्र ते टाळून ते केवळ आपला चेहरा दाखविण्यासाठी येथे आले. त्यांची ही चमकोगिरी लक्षात आल्याने कार्यकर्त्यांनी त्यांना घोषणा देऊन जायला भाग पाडले. मुंबईत या आधी दोन वेळा मोर्चा काढण्याचे प्रयत्न झाले होते. या दोन्ही मोर्चांच्या वेळी समाजात फूट पाडण्याचे काम शेलार यांनी केले, असा आरोप या वेळी करण्यात आला. 

या आरोपाविषयी माध्यमांच्या प्रतिनिधींनी खोदून विचारले असता त्यांनी सांगितले की त्या वेळी मुंबई महापालिकेची निवडणूक होणार होती. या निवडणुकीत मराठा मोर्चाचा फटका बसू नये, यासाठी शेलारांनी खेळी खेळल्या आणि मोर्चा रद्द करण्यास भाग पाडला. शेलारांनी आपल्या नेत्यांची हुजरेगिरी करणयासाठी मराठा समाजात फूट पाडत आहेत. मात्र समाज आता जागा झाला असून, त्याचा दणका शेलारांसह त्यांच्या नेत्यांनाही बसेल, असा इशारा या वेळी देण्यात आला. 

शेलार यांनी मात्र आपल्याला मोर्चाच्या ठिकाणाहून हुसकावून लावले असल्याच्या घटनेचा इन्कार केला. मला कोणी रोखले नाही किंवा कोणी अडविले नाही. विधानभवनात मराठा मोर्चाविषयी ठराव येणार असल्याने मोर्चाच्या ठिकाणाहून मी निघून आलो, असा दावा त्यांनी केला. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com