पिंपरी ः मी मराठा आरक्षणाच्या बाजूने आहे. तसेच ते मिळवियासाठी जीवाची बाजी लावणार आहे. हे सरकार व याच मुख्यमंत्र्यांकडून ते मिळविणार आहे, असा निर्धार भोसरीचे आमदार महेश लांडगे यांनी आज केला. मी मराठा असल्याने समाजाला आरक्षण मिळेपर्यंत गप्प बसणार नाही, असेही ते म्हणाले.
मी स्वत तसेच कॉंग्रेस,राष्ट्रवादी,शिवसेना आदी प्रमुख पक्षांचाही मराठा आरक्षणाला पाठिंबा असल्याने ते निश्चीत मिळेल.अडचण फक्त ही न्यायालयाची आहे. हे प्रकरण न्यायालयात गेलेले आहे.तेथून ग्रीन सिग्नल आला,की लगेच ते देण्याची मागणी मी स्वत करणार आहे. तसेच त्यासाठी राज्य सरकार व मुख्यमंत्री हे सुद्धा सकारात्मक आहेत. प्रमुख विरोधी पक्षांचाही अडसर नाही. त्यामुळे ते मिळाल्याशिवाय राहणार नाही. ते घेतल्याशिवाय गप्पही बसणार नाही. हेच सरकार व मुख्यमंत्री यांच्या काळातच ते मिळेल, असा विश्वासही त्यांनी व्यक्त केला.
मराठा आरक्षणाला माझा पाठिंबा आहे. हे आरक्षण मिळविण्यासाठी मी विधिमंडळात आणि रस्त्यावर देखील अनेकवेळा आवाज उठविला आहे असे सांगून ते म्हणाले, की मी अपक्ष आमदार असलो तरी विकासाच्या मुद्यावर फडणवीस सरकारला पाठिंबा दिला आहे. या सरकारने मराठा समाजाच्या आरक्षणासाठी स्वतंत्र कायदा केला. मराठा विद्यार्थ्यांना शिष्यवृत्ती देण्याचे धोरण आखले, अण्णासाहेब विकास महामंडल सक्षम केले त्यातून अनेक बेरोजगार तरूणांना रोजगार मिळण्याची संधी उलब्ध सारथी नावाची संस्था काढून कौशल्य विकास कार्यक्रम सुरू केला आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.