मुंबई : विधानसभेच्या सुरू असलेल्या पावसाळी अधिवेशनात प्रश्नोत्तराच्या तासाला प्रत्येक विषयावर बोलण्यासाठी संधी मिळावी अशी मागणी आमदार करत आहेत. त्यामुळे विधानसभा अध्यक्ष हरीभाऊ बागडे जोरदार संतापले. आणि 'एका पक्षातील एकाच नेत्याला आणि तीही पहिल्या रांगेतील नेत्यालाच संधी मिळेल. ज्यांना कुणाला बोलायचे असेल तर त्यांनी पुढे येऊन बसावे' असेही अध्यक्ष म्हणाले.
मुंबईतील परळ येथील हाफकीन संस्थेची पाच एकर जागा टाटा मेमोरियल सेंटरला दिल्याबाबतच्या तारांकित प्रश्नावर सभागृहात चर्चा सुरू होती. कॅन्सर हॉस्पिटल हा सर्वांच्याच जीवळ्याचा विषय असल्याने या प्रश्नावर बोलण्यासाठी संधी मिळावी यासाठी मोठ्या प्रमाणात आमदारांनी मागणी केली. त्यावर संतापलेल्या अध्यक्षांनी 'फक्त तुम्हालाच संधी द्यायच्या का,' असा भाजपाच्या दोन आमदारांना प्रति सवाल करताच सभागृहात सर्वत्र हशा पसरला. त्यानंतर विरोधी पक्षाच्या आमदारांनीही आम्हाला संधी मिळावी अशी मागणी करीत हात वर केल्याने अध्यक्ष आणखीच संतापले. त्यामुळे 'एका पक्षाच्या एकाच व्यक्तीला बोलायला संधी मिळेल. जर ज्यांना बोलायचे असेल तर त्यांनी पहिल्या रांगेत यावे,' असे सांगत आमदारांचीच कोंडी केली. कारण पहिल्या रांगेत सर्वच वरिष्ठ आमदार बसलेले असतात.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.