नवी दिल्ली : "मी-टू' प्रकरणाने वादाच्या भोवऱ्यात अडकलेले केंद्रीय मंत्री एम. जे. अकबर यांनी दिल्लीच्या पतियाळा हाऊस न्यायालयात पत्रकार प्रिया रमाणी यांच्याविरुद्ध अब्रुनुकसानीची तक्रार दाखल केली. ऍड. करंजवाला अँड कंपनी यांच्या माध्यमातून तक्रार दाखल केली आहे.
देशभरात "मी-टू' मोहिमेंतर्गत अनेक महिलांनी पत्रकार आणि केंद्रीय मंत्री एम. जे. अकबर यांच्यावर लैंगिक शोषणाचे आरोप केले आहेत. त्यापैकीच एक प्रिया रमाणी होत. यादरम्यान एम. जे. अकबर यांनी आपल्यावरील आरोप बिनबुडाचे असल्याचे म्हटले होते. यासंदर्भात आरोप करणाऱ्याविरुद्ध कायदेशीर कारवाईचे सूतोवाच केले.
एम. जे. अकबर यांनी वृत्तपत्र आणि मासिकांचे संपादक म्हणून काम पाहिले आहे. एम.जे.अकबर यांनी आपल्या अब्रुनुकसानीच्या तक्रारीत रमानी यांनी आपल्यावर चुकीचे, खोटे, अन्यायकारक आरोप केले असल्याचे म्हटले आहे. या आरोपामुळे प्रतिमा डागाळली गेली असल्याचे नमूद केले आहे. रमानी यांच्या आरोपात कोणतेही तथ्य नसून ते आधारहीन असल्याचे नमूद केले आहे. या आरोपातून मानहानी करण्याचा प्रयत्न केला असून ही बाब मोठी अपमानास्पद आहे, असे एम.जे.अकबर यांनी म्हटले आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.