वडील, भाऊ आणि आता मुलगीही कुंजीरवाडीच्या सरपंचपदी

वडील, भाऊ आणि आता मुलगीही कुंजीरवाडीच्या सरपंचपदी

लोणी काळभोर : कुंजीरवाडी (ता. हवेली) ग्रामपंचायतीच्या सरपंचपदी सुनिता संदीप धुमाळ यांची तर उपसरपंचपदी गोरख उर्फ रोहिदास राजाराम तुपे यांची गुरुवारी (ता. 13) बिनविरोध निवड झाली. कुंजीरवाडीच्या यापूर्वीच्या सरपंच अनुराधा संतोष कुंजीर व उपसरपंच दत्तात्रेय लक्ष्मण कुंजीर यांनी राजीनामे दिल्याने हे पद रिक्त झाले होते.

मंडल अधिकारी तेजस्विनी साळवेकर यांच्या अध्यक्षतेखाली झालेल्या निवडणुकीत, सरपंचपदासाठी सुनिता धुमाळ यांचा एकमेव उमेदवारी अर्ज दाखल झाला होता. तर उपसरपंचपदासाठी गोरख उर्फ रोहिदास राजाराम तुपे यांच्यासह विकास परशुराम निगडे, अजय गुलाब गायकवाड व नाना अंकुष कुंजीर या चौघांनी उमेदवारी अर्ज दाखल केले होते.

विकास निगडे, अजय गायकवाड व नाना कुंजीर या तिघांनी आपआपले उमेदवारी अर्ज मागे घेतल्याने, निवडणुक निर्णय अधिकारी तेजस्विनी साळवेकर यांनी सुनिता धुमाळ व गोरख तुपे यांची अनुक्रमे सरपंच व उपसरपंचपदी बिनविरोध निवड झाल्याची घोषणा केली.

सुनिता धुमाळ यांच्यापूर्वी वडील दादासाहेब उर्फ बबनराव तुपे यांनी 89 ते 93 या काळात तर सुनिता धुमाळ यांचे भाऊ सचिन तुपे यांनी 2005 ते 09 या काळात सरपंचपद भषविले आहे. एकाच घरात सरपंचपद भुषविणारे वडील, भाऊ व मुलगी असा त्रिवेणी संगम मिळुन आला आहे. 
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com