कोल्हापूर :"कोल्हापूरवर अन्य जिल्ह्यांपेक्षा अधिक जबाबदारी आहे. आंदोलनाला गालबोट न लागता त्याचा शेवट गोड व्हावा, अशी आमची इच्छा आहे. मराठा आरक्षण मिळाल्यानंतर त्याचे आम्हीसुद्धा लाभार्थी असणार आहोत. आता फक्त गावातील तरुणांना शांत करा. आंदोलनाचा "ऍक्‍शन प्लॅन' तयार करा'', असे आवाहन पोलिस अधीक्षक अभिनव देशमुख यांनी केले.
मुस्लिम बोर्डिंगमध्ये आयोजित सकल मराठा समाजाचे प्रतिनिधी व पोलिस प्रशासनाच्या बैठकीत ते बोलत होते.
वसंत मुळीक म्हणाले, "सरकारवर दबावासाठीचे आमचे आंदोलन आहे. सर्व तालुक्‍यातील मराठा बांधवांशी आमचा संपर्क आहे. आमचा लढा आमच्या भावी पिढ्यांच्या भवितव्यासाठी आहे.'' कणेरीवाडीतील विनायक गुदगी याने केलेली आत्महत्या मराठा आरक्षणासाठीच आहे, असेच माझे मत आहे, असेही ते म्हणाले.
प्रा. जयंत पाटील यांनी बंद मागे घेतला तर समाजाच्या प्रतिनिधींची घरे उद्‌ध्वस्त होतील, असे स्पष्ट केले. हर्षल सुर्वे म्हणाले, "ठोक मोर्चाचा अर्थ सरकारविरोधात घणाघाती भाषण किंवा सरकारवर दबाव आणणे असा आहे. ठोकाठोकी अथवा फोडाफोडी नव्हे.''
या वेळी माजी आमदार सुरेश साळोखे, फत्तेसिंह सावंत, स्वप्नील पार्टे, जयेश कदम यांनी सूचना केल्या.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.