सातारा : जिममधून घरी निघालेल्या जिहे कठापुर योजनेच्या इंजिनिअरवर धारदार चाकूने हल्ला करून जखमी केल्याची घटना साताऱ्यातील बॉम्बे रेस्टॉरंट चौकात ही घटना घडली आहे. विनोद मुंजाप्पा (वय 34, रा. आदित्यनगरी, खेड, सातारा) असे जखमीचे इंजिनिअरचे नाव आहे.
विनोद मुंजाप्पा (वय 34, रा. आदित्यनगरी, खेड) हे आज सकाळी कारमधून सातारा क्लबमध्ये व्यायामाला गेले होते. व्यायाम झाल्यानंतर ते कारमधून एकटेच निघाले होते. यावेळी बॉम्बे रेस्टॉरंट येथे कार आल्यानंतर त्यांना समोरून आलेल्या कारने गाडी आडवी मारून थांबविले. यावेळी संशयितांनी धारदार चाकूने मुंजाप्पा यांच्या हातावर, पाटीवर वार केले. या हल्ल्यापासून वाचण्यासाठी ते तेथून पळून गेले. त्यानंतर हल्लेखोरही घटनास्थळावरून पळून गेले.
सातारा शहर पोलिसांना या घटनेची माहिती मिळाल्यावर त्यांनी घटनास्थळी धाव घेतली. दरम्यान, जखमीवर खासगी रुग्णालयात उपचार सुरू असून घटनेचे कारण समोर आलेले नाही. या घटनेमुळे खळबळ उडाली आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.