मुंबई: " कर्नाटकात भाजप सर्वांत मोठा पक्ष असला तरी कॉंग्रेस व धर्मनिरपेक्ष जनता दल यांची आघाडी झाली आहे. त्यामुळे बहुमताचा आकडा कॉंग्रेस आघाडीकडे आहे. मात्र, कर्नाटकचे राज्यपाल हे राष्ट्रीय स्वयंसेवक संघाचे आहेत. कोणत्याही परिस्थितीत ते कॉंग्रेसला सत्तेत येऊ देणार नाहीत,'' असे शिवसेना खासदार संजय राऊत यांनी सांगितले .
संजय राऊत म्हणाले," केंद्रातील सत्तेच्या बळावर भाजपने या अगोदर गोवा, मणिपूरमध्ये कॉंग्रेस सर्वांत मोठा पक्ष असतानाही त्याला सत्तेबाहेर ठेवण्यात यश मिळवले. आता कर्नाटकात बहुमत नसतानाही धाकदडपशाही करून भाजप सत्ता स्थापन करेल. त्याला राज्यपाल पाठबळ देतील. "
कर्नाटक विधानसभा निवडणूक निकालानंतर भारतीय जनता पक्ष केंद्रातील सत्तेचा वापर करत आहे. यापूर्वी गोवा व मणिपूरमध्ये जे केले तेच कर्नाटकमध्ये होईल. मात्र, याचे पडसाद देशभरात उमटतील, असे स्पष्ट करत, 2019 मध्ये भाजपची केंद्रात देखील स्वबळावर सत्ता येणार नाही, असा इशारा खासदार राऊत यांनी दिला .
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.