उंडाळकरांचे तिकीट पक्षश्रेष्ठींनीच कापले होते : पृथ्वीराज चव्हाण 

कऱ्हाड (सातारा) : काका-बाबा गटात संघर्ष असायचे काही कारण नाही. काय-काय घडलं, ते तुम्हाला माहिती आहे. मला कॉंग्रेस पक्षाने तिकीट देण्याचा निर्णय घेतला. तो माझा निर्णय नव्हता, पक्षश्रेष्ठींनी घेतला होता. तो निर्णय मान्य व्हायला पाहिजे होता, असे मत माजी मुख्यमंत्री पृथ्वीराज चव्हाण यांनी काका-बाबा गटाच्या संघर्षावर व्यक्त केले. 

कॉंग्रेसच्या वर्चस्वासाठी जिल्ह्यातील संघर्ष मिटवुन काका-बाबा गट एकत्र यायला पाहिजे, या प्रश्नावर श्री. चव्हाण यांनी जिल्ह्यातील संघर्षापेक्षा पहिल्यांदा कऱ्हाडमध्ये संघर्ष मिटवला पाहिजे. दोन्ही गटात संघर्ष असायचे काही कारण नाही. काय-काय घडलं आहे ते तुम्हाला माहिती आहे. मला कॉंग्रेस पक्षाने तिकीट देण्याचा निर्णय घेतला, तो माझा निर्णय नव्हता. पक्षश्रेष्ठींनी घेतला होता. तो निर्णय मान्य व्हायला पाहिजे होता, असे सांगून श्री. चव्हाण यांनी अधिक बोलणे टाळले. जातीयवादी संघटनांना पराभूत करण्यासाठी सर्व समविचारी पक्षांनी एकत्र आले पाहिजे. मात्र ते झाले नाही तर पुन्हा जातीयवादी पक्षच सत्तेवर येतील असेही त्यांनी यावेळी सांगितले