भोपाळ : काँग्रेसचे नेते आणि नवनिर्वाचित मुख्यमंत्री कमलनाथ यांनी राज ठाकरेंकडून गुरुमंत्र घेऊन त्याचा गंडा बांधला की काय असा प्रश्न पडावा असे कमलनाथ बोलू लागले आहेत . मुख्यमंत्री होताच कमलनाथ यांनी उद्योजकांना इशारा दिलाय की खबरदार बिहारचे कामगार आणाल तर !
उद्योजकांनी ८० टक्के नोकऱ्या स्थानिक युवकांनाच दिल्या तर ठीक आहे नाही तर आम्ही राज्य सरकारकडून दिली जाणारी सबसिडी आणि इतर सवलती देणार नाही ! आमची सबसिडी घेता आणि नोकऱ्या बिहार आणि बाहेरच्या प्रांतातून येणाऱ्या लोकांना देता हे खपवून घेतले जाणार नाही , असा सज्जड दमच कमलनाथ यांनी जाहीरपणे उद्योगपतींना भरला आहे .
एक काँग्रेसचा नेता आणि एक काँग्रेस पक्षाचा जबाबदार मुख्यमंत्री हे बोलतोय . कमलनाथ हे स्वतः मोठे उद्योगपती आहेत . त्यांच्या २३ कंपन्या संस्था आहेत . शेकडो कोटींचा त्यांचा कारभार त्यांची दोन मुले पाहतात . स्वतः एक उद्योजक असून ते जर असे बोलतात तर महाराष्ट्रातील काँग्रेस नेत्यांनाच राज ठाकरे का चालत नाहीत असा प्रश्न सर्वसामान्यांना पडणार आहे .
आगामी लोकसभा निवडणुका समोर ठेवून जर ते असे बोलत असतील असे आपण गृहीत धरले तरी मुंबई प्रदेश काँग्रेसचे अध्यक्ष संजय निरुपम आता यावर काय प्रतिक्रिया देतात हे पाहणे महत्वाचे ठरेल . ते फेरीवाल्यांचा आणि उत्तर भारतीयांचा मोर्चा कमलनाथ यांच्या कार्यालयावर नेतात काय याकडे मुंबईकरांचे लक्ष्य लागलेलं आहे .
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.