अकोल्यात "इंदू सरकार' बंद चा कॉंग्रेसचा प्रयत्न

 अकोल्यात "इंदू सरकार' बंद चा कॉंग्रेसचा प्रयत्न

अकोला : प्रदर्शनापुर्वीच वादाच्या भोवऱ्यात सापडलेल्या "इंदू सरकार' चित्रपटाच्या प्रदर्शनाला कॉंग्रेसच्या स्थानिक पदाधिकाऱ्यांनी कडाडून विरोध करीत राधाकृष्णा टॉकीजसमोर निदर्शने करीत शो बंद करण्याचा प्रयत्न केला. यावेळी आंदोलनकर्त्या पदाधिकाऱ्यांवर पोलिसांनी प्रतिबंधात्मक कारवाई करून त्यांना ताब्यात घेतले. 

मधुर भांडारकर दिग्दर्शित इंदू सरकार या चित्रपटाला सध्या देशभर कॉंग्रेसकडून विरोध केला जात आहे. आणीबाणीच्या कालखंडावर आधारित असणाऱ्या या चित्रपटाच्या माध्यमातून माजी पंतप्रधान इंदिरा गांधी यांचे चारित्र्यहनन करण्यात आल्याचा आरोप कॉंग्रेसकडून या चित्रपटावर करण्यात येत आहे. अकोल्यात शुक्रवार (ता.28) या चित्रपटाच्या प्रदर्शनाच्या पहिल्याच दिवशी कॉंग्रेसचे प्रदेश महासचिव मदन भरगड, महानगराध्यक्ष बबनराव चौधरी, महानगर कोषाध्यक्ष गणेश कटारे, महिला कॉंग्रेसच्या महानगराध्यक्ष सुषमा निचळ, शहर महासचिव राजेश पाटील, नगरसेवक मोहम्मद नौशाद, अनंत बगाडे, तश्वर पटेल, निखिलेश दिवेकर, कपील रावदेव, मेहमुद पठाण, जमीरभाई, मोंटूभाई, हरिष कटारिया, डॉ.वर्षा बडगुजर, पुष्पा देशमुख आदी पदाधिकाऱ्यांनी राधाकृष्णा टॉकीजसमोर जोरदार निदर्शने केली. 

पदाधिकाऱ्यांनी इंदू सरकार चित्रपटाचा शो बंद पाडण्याची मागणी रेटून धरत चित्रपटाचे पोस्टर काढण्याचा प्रयत्न केला. यावेळी पोलिसांनी कॉंग्रेसच्या पदाधिकाऱ्यांना ताब्यात घेत त्यांच्यावर प्रतिबंधात्मक कारवाई केली. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com