If yo don't build the Ram Temple we will do the work : Thakre warns Modi | Sarkarnama


ब्रेकिंग न्यूज

विनोद तावडे कृष्णकुंजवर . राज ठाकरे आणि विनोद तावडे यांच्यात चर्चा .

राम मंदिर तुम्ही बांधता की आम्ही बांधू ? ठाकरेंचा मोदींना सवाल 

सरकारनामा
गुरुवार, 18 ऑक्टोबर 2018

बाबरी मशीद  पडल्यानंतर हे शेपटी घालून पळाले . बिळात जाऊन ठाकले . देशद्रोह्यांचा आगडोंब उसळला होता तेंव्हा बाळासाहेब ठाकरे यांच्या शिवसेनेने त्यांचा सामना केला होता हा इतिहास आहे . 

-उद्धव ठाकरे

मुंबई : " आमची सत्ता येताच राम मंदिर बाधू असे भाजपने आश्वासन दिले होते . चार वर्षे झाली पण तुम्ही काहीच केले नाही . येत्या २५ नोव्हेंबरला  मी स्वतः अयोध्येत जाणार आहे. तेथून तुम्हाला प्रश्न विचारीन . राम मंदिर तुम्ही बांधता की आम्ही बांधायचे ते सांगा . आम्ही बांधून दाखवू ," असा इशारा शिवसेना प्रमुख उद्धव ठाकरे यांनी पंतप्रधान नरेंद्र मोदी यांना दिला आहे . 

शिवसेनेच्या दसरा मेळाव्यात ते बोलत होते . उद्धव ठाकरे ठाकरे म्हणाले ," पंतप्रधान नरेंद्र मोदी जगभर हिंडतात . अमेरिका , जपान , रशिया एवढेच काय भूगोलाच्या पुस्तकात नकाशावरही लवकर न सापडणाऱ्या देशांना हे जाऊन आले . पण गेल्या चार वर्षात एकदाही अयोध्येला हे गेले नाहीत . राष्ट्रीय स्वयंसेवक संघाचे सरसंघचालक मोहन भागवतांचे मी अभिनंदन करतो , त्यांनी राम मंदिर कधी बांधणार हा मुद्दा उपस्थित केला आहे . मंदिर वही  बनायेंगे म्हणत यांनी सभा घेतल्या , यात्रा काढल्या . पण पुढे काही नाही. लालकृष्ण अडवाणी यांना राष्ट्रपती करायचे तर त्यावेळी नेमकी बाबरीची फाईल न्यायालयात वर येते? ."

बाबरी  मशीद शिवसैनिकानीं  पाडली याचा पुनरुच्चार करीत उद्धव ठाकरे पुढे म्हणाले , " बाबरी मशीद  पडल्यानंतर हे शेपटी घालून पळाले . बिळात जाऊन ठाकले . देशद्रोह्यांचा आगडोंब उसळला होता तेंव्हा बाळासाहेब ठाकरे यांच्या शिवसेनेने त्यांचा सामना केला होता हा इतिहास आहे . तुम्ही राम मंदिर बांधणार की नाही ते सांगा . नाही तर हा देखील चुनावी जुमला होता हे कबुल करा . तुम्ही बोलत नाही पण मी २५ नोव्हेंबरला अयोध्येत जाणार  आहे . तुमचा पराभव व्हावा अशी आमची इच्छा नाही पण तुम्ही दिलेली आश्वासने पाळा  असा आमचा आग्रह आहे . "

संबंधित लेख