हेलिकॉप्टरमध्ये फिरणारे वंचित कसे? : मेहबूब शेख  

..
Meheboob shaikh
Meheboob shaikh

सोलापूर  : शरद पवार, अजित पवार, सुप्रिया सुळे यांच्यासह दोन्ही कॉंग्रेसमधील नेते मोटारीतून फिरतात. वंचित आघाडीचे नेते मात्र हेलिकॉप्टरने फिरतात. हेलिकॉप्टरने फिरणारे वंचित कसे? असा सवाल राष्ट्रवादी युवकचे प्रदेशाध्यक्ष मेहबूब शेख यांनी केला.

इव्हीएममध्ये हस्तक्षेप होत असल्याचे सांगून वंचित बहुजन आघाडीने निवडणूक आयोगाकडे तक्रार केली आहे. या तक्रारीच्या माध्यमातून कॉंग्रेस व राष्ट्रवादीच्या कार्यकर्त्यांचा आत्मविश्‍वास कमी करण्याचा प्रयत्न वंचित बहुजन आघाडी करत असल्याचे आरोप ही त्यांनी विचारला.

प्रदेशाध्यक्ष शेख व कार्याध्यक्ष रविकांत वर्पे आज सोलापूरच्या दौऱ्यावर आले होते. शहर व जिल्हा राष्ट्रवादी युवकच्या पदाधिकाऱ्यांची त्यांनी आज आढावा बैठक घेतली. या बैठकीला शहराध्यक्ष जुबेर बागवान, प्रदेश सरचिटणीस प्रशांत बाबर, जिल्हाध्यक्ष विक्रांत माने आदी उपस्थित होते. 

भाजपकडून मिळालेल्या आर्थिक मलिद्यावर वंचित बहुजन आघाडीचे नेते डल्ला मारत असल्याचा आरोपही प्रदेशाध्यक्ष शेख यांनी केला. आगामी निवडणुकीच्या पार्श्‍वभूमीवर बूथबांधणी, नवीन युवकांना पक्षासोबत जोडण्याचा कार्यक्रम हाती घेण्यात आला आहे. एक बूथ, दहा युथ. माझा बूथ समतेचा दूत, अशी संकल्पना घेऊन मोहीम राबविली जात असल्याचेही त्यांनी सांगितले. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com