नागपूर: उच्च न्यायालयात खोटे प्रतिज्ञापत्र सादर केल्याबद्दल उच्च न्यायालयाने नागपूर महापालिकेचे आयुक्त श्रावण हर्डीकर यांना चांगलेच खडसावले व नवे प्रतिज्ञापत्र दाखल करण्यास सांगितले.
नागपुरातील बिल्डरांनी दाखल केलेल्या याचिकेच्या संदर्भात आयुक्तांना उच्च न्यायालयाने प्रतिज्ञापत्र दाखल करण्याचे निर्देश दिले होते. नागपुरातील लकडगंड भागातील एका औद्योगिक भूखंडावर व्यावसायिक व निवासी प्रकल्प उभारण्यासाठी गोवर्धन व वेदभूमी इन्फ्रास्ट्रक्चर कंपन्यांनी 2013 मध्ये अर्ज केला होता.
आयुक्तांनी हे प्रस्ताव फेटाळून औद्योगिक कारणासाठी आरक्षित असलेल्या भूखंडांवर व्यवसायिक व निवासी प्रकल्प बांधण्याची आतापर्यंत परवानगी दिलेली नसल्याचा दावा केला. तसे शपथपत्र आयुक्तांनी उच्च न्यायालयात सादर केले. हा दावा याचिकाकर्त्यांनी सप्रमाण खोडून काढला व तसे पुरावे न्यायालयात सादर केले. यावर उच्च न्यायालयाने आयुक्तांना चांगलेच खडसावले व येत्या 21 एप्रिलपर्यंत नवे शपथपत्र देण्याचे निर्देश दिले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.