कोल्हापूर : जिल्हा बॅंकेच्या संचालकांची बदनामी केल्याप्रकरणी माजी आमदार महादेवराव महाडिक यांच्यावर 10 कोटींचा बदनामीचा खटला दाखल करणार असल्याची माहिती, जिल्हा बॅंकेचे अध्यक्ष आमदार हसन मुश्रीफ यांनी दिली. राष्ट्रवादी कॉंग्रेसच्यावतीने आयोजित पत्रकार परिषदेत ते बोलत होते. यावेळी जिल्हयातील राष्ट्रवादीच्या इतर नेत्यांसह खासदार धनंजय महाडिक हे देखील उपस्थित होते.
आमदार मुश्रीफ म्हणाले, महाडिक यांनी जिल्हा बॅंकेच्या संचालकांवर चुकीचे आरोप केले. याबददल आपण यापूर्वीच 5 कोटींचा दावा दाखल करण्याचे नियोजन केले होते. मात्र संचालकांनी देखील महाडिक यांच्या या आरोपाला विरोध करत त्याचा निषेध केला आहे.
आता संचालक मंडळाकडून महाडिकांवर 10 कोटींचा बदनामीचा दाखल केला जाणार आहे, अशी माहिती आमदार मुश्रीफ यांनी दिली. तसेच याबाबत दोन दिवसात विस्तृत माहिती दिली जाणार असल्याचेही त्यांनी सांगितले.
गोकुळ मल्टीस्टेटवरुन महाडिक-वाद विकोपाला गेला आहे. दोघांकडूनही मल्टीस्टेटच्या काळात आरोप-प्रत्यारोपांच्या फैरी झडल्या. यावेळी महाडिक यांनी थेट जिल्हा बॅंक, मुश्रीफ यांना टार्गेट केले.
जिल्हा बॅंक चांगली चालल्याबददल आमदार मुश्रीफ यांनी संचालकांना दुबईवारी घडवून आणली. मात्र ही दुबईवारी एका कंपनीकडून स्पॉन्सर करण्यात आली होती, असा आरोप महाडिक यांनी केला होता.
तसेच दुबईत काही संचालकांनी बारमध्ये गोंधळ घातल्याचाही आरोप केला होता. दुबई प्रमाणेच बेंगलोर येथेही काही संचालकांनी धिंगाणा घातला होता, असा आरोप केला होता. या आरोपांबददल हा बदनामीचा दावा दाखल केला जाणार आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.