कन्नड ः मराठा आरक्षण आंदोलना दरम्यान मराठवाडा व राज्यभर माझी भूमिका पोहोचल्याने, मी लोकसभा निवडणूक लढावी, अशी मागणी होत आहे. मात्र मला लोकसभा निवडणूक लढवण्यात कोणतेही स्वारस्य नाही, मी कन्नड विधानसभा निवडणूकच लढवणार असल्याचे आमदार हर्षवर्धन जाधव यांनी मंगळवारी (ता.14) कन्नड तेथे पत्रकार परिषदेत स्पष्ट केले.
मराठा ठिय्या आंदोलनात आमदार जाधव यांचे निकटचे प्रतिस्पर्धी माजी कॉंग्रेस आमदार नितीन पाटील यांनी आमदार जाधव यांचे जाहीर कौतुक केल्याने मतदारसंघात उलटसुलट चर्चांना उधाण आले होते.जाधव हे लोकसभा तर माजी आमदार नितीन पाटील विधानसभा निवडणूक एकाच पक्षाकडून लढणार असल्याचे बोलले जात होते. दोघांना एकमेकांच्या शक्तीस्थळांचा फायदा होऊन यश मिळू शकते,अशीही चर्चा होती.
या पार्श्‍वभूमीवर आज आमदार कन्नड येथे आले असता त्यांनी या चर्चेला पुर्णविराम दिला. आपण विधानसभा निवडणूकच लढवणार असल्याचे त्यांनी सांगितले. "कुश्‍ती अभी बाकी है' असे सांगत त्यांनी सस्पेंसही कायम ठेवला आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.