हरिभाऊ बागडे यांचा जन्म 17 ऑगस्ट 1945 रोजी औरंगाबाद जिल्ह्यातील चितेपिंपळ गाव येथे शेतकरी कुटुंबात झाला. 1958 पासून ते राष्ट्रीय स्वयंसेवक संघाचे स्वयंसेवक आहेत. 1965 ते 69 दरम्यान त्यांनी विवेक साप्ताहिकाचे प्रतिनिधी म्हणून पत्रकारिता देखील केली. 67 ते 79 या काळात बागडे यांनी जनसंघाचे पूर्णवेळ काम केले. जिल्ह्यातील फुलंब्री, औरंगाबाद पूर्व विधानसभा व जालना लोकसभा मतदारसंघात त्यांनी प्रचारक म्हणून जबाबदारी पार पाडली. 1980 मध्ये भारतीय जनता पार्टीची स्थापना झाली. त्यानंतर 1985 मध्ये औरंगाबाद पूर्व विधानसभा निवडणुकीत त्यांना उमेदवारी मिळाली आणि ते निवडून आले. 90-95 च्या विधानसभा निवडणुकीतही हरिभाऊ बागडे विजयी झाले.
1995 ते 97 राज्यातील युती सरकारच्या काळात ते रोजगार हमी व फलोत्पादन मंत्री झाले. तर पुढील दोन वर्षे त्यांनी अन्न व नागरी पुरवठा मंत्री म्हणून काम पाहिले. या शिवाय त्यांच्याकडे जालना जिल्ह्याचे पालकमंत्री पद देखील होते. भाजपचे जिल्हा सरचिटणीस, प्रदेश चिटणीस, किसान मोर्चाचे अध्यक्ष, प्रदेश उपाध्यक्ष पद देखील भूषविले. सध्या हरिभाऊ बागडे भाजपच्या राष्ट्रीय कार्यकारिणीचे सदस्य, जिल्हा दूध उत्पादक संघाचे अध्यक्ष, छत्रपती संभाजी राजे साखर उद्योगाचे संस्थापक व महाराष्ट्र विधानसभा सभेचे अध्यक्ष आहेत.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.