मराठा आरक्षणावर उड्या मारणारे विरोधक आता काय करतील? : गिरीश महाजन

"विरोधी पक्षाची मंडळी मराठा आरक्षणाचा मुद्दा घेऊन उड्या मारत होती. आमच्या सरकारने मराठा समाजाला आरक्षण दिले. त्यामुळे आता तो मुद्दा संपला. आता विरोधकांकडे मुद्देच नाहीत. ते तरी काय करणार बिचारे!'' असा उपहासात्मक टोला जलसंपदा मंत्री गिरीशमहाजन यांनी विरोधकांना लगावला.
मराठा आरक्षणावर उड्या मारणारे विरोधक आता काय करतील? : गिरीश महाजन

नाशिक : "विरोधी पक्षाची मंडळी मराठा आरक्षणाचा मुद्दा घेऊन उड्या मारत होती. आमच्या सरकारने मराठा समाजाला आरक्षण दिले. त्यामुळे आता तो मुद्दा संपला. आता विरोधकांकडे मुद्देच नाहीत. ते तरी काय करणार बिचारे!'' असा उपहासात्मक टोला जलसंपदा मंत्री गिरीश महाजन यांनी विरोधकांना लगावला.

ते म्हणाले, "मराठा समाजाला सोळा टक्के आरक्षण आम्ही दिले. या प्रश्‍नावर विरोधक राजकारण करत होते. विषय तापवत होते. याच मुद्यावर ते उड्या मारत होते. आता हा मुद्दा संपला. आता ते काय करतील?."
 
नांदुरी (वणी) येथे आदिवासींसाठी आयोजित महाआरोग्य शिबाराला आज मुख्यमंत्री देवेंद्र फडणवीस यांच्या उपस्थितीत प्रारंभ झाला. यावेळी महाजन पत्रकारांशी बोलताना म्हणाले, ''आमचे सर्व लक्ष जनतेची कामे करण्यावर आहे. दुष्काळाचे निवारण करण्यात आम्ही मनापासुन कामाला लागलो आहे. मराठवाड्यात यंदा केवळ वीस टक्के पाणीसाठा आहे. त्यामुळे चारा, पिण्याचे पाणी यांसह दुष्काळाचे चित्र अतिशय विदारक आहे. या दुष्काळी परिस्थितीवर मात करण्यासाठी सरकार युध्द पातळीवर व्यवस्था करीत आहे. सरकारकडून सर्व प्रकारच्या उपाययोजना केल्या जात आहेत. शेतकऱ्यांना जेव्हढी मदत सध्याच्या सराकरने केली तेवढी आजवर कोणत्याही सरकारने केलेली नाही." 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com