पुणे-सातारा रस्ता : गडकरींच्या घोषणा ठरल्या पोकळ! 

सार्वजनिक बांधकामांच्या कामातील गुणवत्ता व काम वेळेत पूर्ण करण्याबाबत केंद्रीय भूपृष्ठ वाहतूक मंत्री नितीन गडकरी फारच आग्रही असतात. काम पूर्ण करण्याची "डेडलाइन' पाळली नाही तर "ब्लॅक लिस्ट' करू अशी धमकीदेखील ते सार्वजनिक कार्यक्रमात वारंवार देतात. मात्र, तब्बल सात वर्षे सुरू असलेल्या पुणे सातारा रस्त्याच्या कामात लक्ष घालायला गडकरींना वेळ नाही की काय, अशी चर्चा आता सुरू झाली आहे.
पुणे-सातारा रस्ता : गडकरींच्या घोषणा ठरल्या पोकळ! 
पुणे-सातारा रस्ता : गडकरींच्या घोषणा ठरल्या पोकळ! 

पुणे: सार्वजनिक बांधकामांच्या कामातील गुणवत्ता व काम वेळेत पूर्ण करण्याबाबत केंद्रीय भूपृष्ठ वाहतूक मंत्री नितीन गडकरी फारच आग्रही असतात. काम पूर्ण करण्याची "डेडलाइन' पाळली नाही तर "ब्लॅक लिस्ट' करू अशी धमकीदेखील ते सार्वजनिक कार्यक्रमात वारंवार देतात. मात्र, तब्बल सात वर्षे सुरू असलेल्या पुणे सातारा रस्त्याच्या कामात लक्ष घालायला गडकरींना वेळ नाही की काय, अशी चर्चा आता सुरू झाली आहे. 

देहूरोड ते सातारा या 140 किलोमीटर लांबीच्या रस्त्याच्या विस्तारीकरणाचे काम एक ऑक्‍टोबर 2010 रोजी सुरू झाले. निविदेप्रमाणे हे काम 31 मार्च 2013 रोजी पूर्ण होणे अपेक्षित होते. या काळात केवळ 40 टक्के काम पूर्ण झाले. उर्वरित काम पूर्ण करण्यासाठी कंत्राटदाराला पुन्हा 31 डिसेंबर 2015 पर्यंतची मुदत देण्यात आली. या काळात आणखी केवळ 20 टक्के काम पूर्ण झाले. आता काम पूर्ण करण्यासाठी या वर्षअखेरची मुदत मागण्यात आली आहे. विशेष म्हणजे इतक्‍या वर्षात कंत्राटदाराला केवळ मुदत वाढ देण्यात आली. आताही मुदतवाढ देण्याची चर्चा सुरूच आहे. एका बाजूला रोज नव्या रस्त्याच्या कामाची घोषणा करणारे गडकरी सातारा रस्त्याच्या कामाकडे इतके दुर्लक्ष का करताहेत, हे कळायला मार्ग नाही. संबंधित कंत्राटदाराच्या विरोधात सातारा व पुणे जिल्ह्यातून अनेक तक्रारी झाल्या आहेत. मात्र अद्याप कसलाच फरक पडत नाही. या तक्रारींची कुणी दखलही घेत नाही. देशातील एका महत्वाच्या महामार्गाची गेले सात वर्षे सुरू असलेली दूरवस्था इतक्‍या कार्यक्षम गडकरींना दिसत नाही का असा प्रश्‍न विचारतानाच नागपूरबाबत असा गलथानपणा त्यांनी सहन केला असता का, असाही सवाल करण्यात येत आहे. 
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com