नागपूर : केंद्रीय भूपृष्ठ वाहतूकमंत्री नितीन गडकरी यांच्या वाढदिवसानिमित्त 1 कोटी 1 लाख रुपयांचा गौरवनिधी उभारण्यात आला आहे. हा निधी सामाजिक कार्य करणाऱ्या 100 संस्थांना (एनजीओ) दिला जाणार आहे.
नितीन गडकरी यांचा 61 वा वाढदिवस कस्तुरचंद पार्कवर साजरा केला जाणार आहे. वाढदिवसानिमित्त 1 कोटी 1 लाख रुपये भाजपचे आमदार, नगरसेवक व पदाधिकाऱ्यांकडून जमा केले आहेत. ही रक्कम विदर्भात सामाजिक कार्य करणाऱ्या स्वयंसेवी संस्थांना दिली जाणार आहे. प्रत्येक संस्थेला 1 लाख रुपयांची रक्कम दिली जाणार आहे. या संस्था कोणत्या, हे स्वतः: या गडकरी जाहीर करणार आहेत.
गडकरींचा षष्ठब्दीनिमित्त होणाऱ्या या कार्यक्रमाला विविध राज्याच्या मुख्यमंत्र्यांसह भाजपचे अध्यक्ष अमित शहा, राष्ट्रवादी कॉंग्रेसचे अध्यक्ष शरद पवार, माजी मुख्यमंत्री व कॉंग्रेसचे नेते सुशीलकुमार शिंदे, शिवसेनेचे नेते व उद्योग मंत्री सुभाष देसाई, मध्यप्रदेशचे मुख्यमंत्री शिवराज सिंग चौहान, छत्तीसगडचे मुख्यमंत्री डॉ. रमण सिंग, आसामचे राज्यपाल बनवारीलाल पुरोहित उपस्थित राहणार आहेत.
या सोहळ्याला 50 हजारावर लोक हजेरी लावणार असल्याचा दावा ऊर्जामंत्री चंद्रशेखर बावनकुळे यांनी केला आहे. नागपुरातील नगरसेवक व भाजपच्या शहर पदाधिकाऱ्यांवर कार्यक्रमासाठी लोकांना आणण्याची जबाबदारी सोपविण्यात आली आहे. आता कस्तुरचंद पार्कवर 50 हजार लोकांना आणण्यासाठी नगरसेवक कामाला लागले आहेत.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.