कर्जमाफीपाठोपाठ मध्यप्रदेशातील ज्येष्ठ शेतकऱ्यांना पेन्शनही देणार; कमलनाथांची घोषणा 

कर्जमाफीपाठोपाठ मध्यप्रदेशातील ज्येष्ठ शेतकऱ्यांना पेन्शनही देणार; कमलनाथांची घोषणा 

पुणे : मुख्यमंत्री होताच कमलनाथ यांनी दोन तासाच्या आत शेतकऱ्यांच्या कर्जमाफीची घोषणा केली होती. त्यापाठोपाठ आता शेतकऱ्यांना एक हजार रुपये पेन्शनही देण्याची महत्त्वाची घोषणा त्यांनी केली आहे. मध्यप्रदेशातील शेतकऱ्यांवर कमलनाथ यांनी सवलतींचा वर्षावच केला आहे. 

मध्यप्रदेश हे कृषिप्रधान राज्य आहे. यापूर्वीच्या म्हणजे शिवराज चौहान सरकारच्या राजवटीत शेतकऱ्यांवर गोळीबार करण्यात आला होता. त्यामुळे काही शेतकऱ्यांचा बळीही गेला होता.

शेतकऱ्यांच्या नाराजीची किंमत भाजप सरकारला मोजावी लागली. मागील सरकारचा विचार करता कमलनाथांनी शेतकऱ्यांना न दुखावण्याचे धोरण स्वीकारलेले दिसते. संकटातील शेतकऱ्यांना बाहेर काढण्यासाठी मध्यप्रदेशातील कॉंग्रेस सरकार प्रयत्न करीत असल्याचे दिसून येत आहे. 
मध्यप्रदेशमधील 

भाजप सरकार जाताच कॉंग्रेसचे सरकार आले. कॉंग्रेसने आपल्या जाहीरनाम्यात दिलेली आश्‍वासने पाळण्याचे ठरविलेले दिसते. मुख्यमंत्री कमलनाथ यांनी शेतकऱ्यांना कर्जमाफीची घोषणा केली आहे. त्यापाठोपाठ एकच आठवड्यात शेतकऱ्यांना पेन्शन देण्याचेही ठरविले आहे.

ज्या शेतकऱ्यांनी वयाची साठ वर्षे पूर्ण केली आहेत अशा दहा लाख शेतकऱ्यांना महिन्याला एक हजार रुपये पेन्शन मिळणार आहे. पेन्शन देण्याचा त्यांचा हा निर्णय एैतिहासिक आहे. शेतकऱ्यांना पेन्शन द्यावी अशी मागणी सातत्याने शेतकरी संघटना करीत आहेत. 

कलमनाथ यांनी कृषि खात्याला तशा सूचना दिल्या असून शेतकऱ्यांना पेन्शन दिल्यास सरकारच्या तिजोरी बाराशे कोटींचा बोजा पडणार आहे. मध्यप्रदेश सरकार सरकारवर मोठा आर्थिक बोजा असला तरी शेतकऱ्यांना काही कमी पडू द्यायचे नाही. अधिकाऱ्यांनी आणि बॅंकानी यातून मार्ग काढण्याचे आदेशही मुख्यमंत्र्यांनी दिले आहे. दरम्यान, कमलनाथांच्या घोषणेमुळे शेतकऱ्यांनी स्वागत केले आहे. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com