कर्जमाफीवरून फडणवीस-दानवेंची जुमलाबाजी : नवाब मलिक 

कर्जमाफीवरून फडणवीस-दानवेंची जुमलाबाजी : नवाब मलिक 

मुंबई : मुख्यमंत्री देवेंद्र फडणवीस यांनी 89 लाख शेतकऱ्यांना कर्जमाफी मिळेल असे सांगितले होते. मात्र भाजप प्रदेशाध्यक्ष दानवे सांगतात की, केवळ 46 हजार कोटींची कर्जमाफी होणार आहे. यात नेमकी आकडेवारी खरी कोणाची आहे, असा सवाल राष्ट्रवादी कॉंग्रेसचे प्रवक्ते नवाब मलिक यांनी केला. 


राज्यातील जनतेपुढे पडला आहे. या आकडेवारीच्या खेळात मुख्यमंत्री आणि प्रदेशाध्यक्ष हे पंतप्रधान मोदी यांच्यासारखे खोटी आकडेवारी सांगतात त्याचप्रमाणे राज्यातील भाजपचे नेतेही आकड्यांची जुमलाबाजी करत असल्याची टीका त्यांनी केली. 

एकूण किती शेतकऱ्यांना कर्जमाफीचा लाभ झाला आणि किती हजार कोटींची कर्जमाफी झाली याची माहिती मिळावी यासाठी सरकारने श्वेतपत्रिका काढावी, अशी मागणी करताना ते म्हणाले, की राष्ट्रवादी कॉंग्रेसने कर्जमाफीची मागणी करताना शेतकऱ्यांचा सात बारा कोरा करण्याची मागणी केली होती. संघर्ष यात्रा आणि शेतकऱ्यांच्या संपानंतर सरकारने कर्जमाफी केली. परंतु अजूनही पैसे देण्याचे काम सुरु झाले नाही. ऑनलाईन मुदतीच्या शेवटच्या दिवशी फक्त 56 लाख आले आहेत. 89 लाख शेतकऱ्यांची कर्जमाफी होणार असे मुख्यमंत्री सांगत होते. मग उरलेले शेतकरी कुठे गेले? सहकार मंत्री सुभाष देशमुख म्हणतात की 12 लाख शेतकरी असे आहेत ज्यांना कर्जमाफीचा लाभ घ्यायचा नाही. सरकारने या 12 लाख दानशूर शेतकऱ्यांची नावे जाहीर करावीत. राष्ट्रवादी कॉंग्रेस पार्टी ग्रामपंचायतीमध्ये या शेतकऱ्यांचा सत्कार आयोजित करेल. त्यामुळे त्यांची यादी सादर करावी, अशी मागणी मलिक यांनी केली. 

शेतकऱ्यांना कर्जमाफीची रक्कम वेळेत न दिल्याच्या विरोधात राष्ट्रवादी कॉंग्रेसने 1 ऑक्‍टोबर रोजी आंदोलन पुकारले आहे. पण 1 तारखेला मोहरमचा सण असल्यामुळे हे आंदोलन 1 ते 7 ऑक्‍टोबर दरम्यान राज्यभरात केले जाणार असल्याची माहितीही त्यांनी दिली. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com