नाशिक : माजी महापौर, शिवसेना नेते विनायक पांडे यांच्या शिवसेना युवक मित्र मंडळाची विसर्जन मिरवणुक यंदा चर्चेचा विषय ठरली. मंडळाने यंदा नृत्य करणारे कोंबडे असलेले आदिवासी पथक सहभागी केले होते. त्यांचे हे दोन कोंबडे मिरवणुक मार्गावर सबंध शहरभर नाचले. स्वतः पांडे सह अनेक कार्यकर्तेही कोंबड्यांचे नृत्य पाहुन ठेका धरत होते. ही चर्चा पसरल्यावर अनेकांनी त्याकडे धाव घेतली.
शहरातील भद्रकाली परिसरातील मध्यवर्ती ठिकाणी असलेले हे मंडळ मिरवणुक आणि देखाव्यांतील भव्यतेसाठी प्रसिध्द आहे. यंदा त्यांनी ही परंपरा जपण्यासाठी हरसुल भागातील आदिवासी पथक आणले होते. या पथकात प्राण्यांचे नृत्य सादर करण्याची परंपरा आहे. त्यात यंदा त्यांनी कोंबड्याचा वेष केलेले पथक आणले होते.
त्यांचे हो दोन कोंबडे ढोल, ताषा आणि संगीताच्या तालावर चोच मारत, लयबध्द थीरकणाऱ्या पावलांचे नृत्य करीत होते. मिरवणुकीत सहभागी लोकांसाठी हे नृत्य नवलाईच ठरले. त्यामुळे अनेकांना त्यावर ठेका धरला होता. मंडळाचे पदाधिकारी, माजी महापौर पांडे तसेच अन्य नागरीकही जिथे नाचणारे हे कोंबडे पोहोचत तिथे ठेका धरीत होते. या कोंबड्याची माहिती मिळाल्यावर अनेकांनी या मंडळाची मिरवणुक पाहण्यासाठी धाव घेतली.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.