स्वाभिमानीच्या गर्दीचा प्रस्थापितांना धसका ?

निवडणूक जेमतेम काही महिन्यांनी असल्याने ज्यांना भाडोत्री गर्दीही मिळत नाही अशावेळी स्वाभिमानीसोबत स्वयंस्फूर्त आलेल्या गर्दीने प्रस्थापितांच्या पाचावर धारण बसली आहे.
shetty-swabhimanee
shetty-swabhimanee

बुलडाणा :   नुकतेच बुलडाण्यात स्वाभिमानी शेतकरी संघटनेची सोयाबीन-कापूस (दुष्काळ) परिषद झाली. मात्र जिल्ह्यात प्रस्थापितांच्या तुलनेत लहान असलेल्या स्वाभिमानीच्या कार्यक्रमाला झालेली गर्दी इतरांना चकीतच करणारी होती.

विदर्भात इतर जिल्ह्यांच्या तुलनेत स्वाभिमानी शेतकरी संघटनेचे चांगले नेटवर्क आहे. रविकांत तुपकरांनी यासाठी परीश्रमपूर्वक प्रयत्नही केलेले आहेत. त्यामुळेच त्यांनी ही परिषद बुलडाण्यात ठेवली. ऐन सोयाबीन काढणीचा हंगाम, त्याच दिवशी औरंगाबादेत भारिप व एमआयएम चा मोठा  कार्यक्रम  व इतर पक्षांचे कार्यक्रम .

यामुळे परिषद तर ठेवली पण ज्यांच्यासाठी ही परिषद ठेवली तो शेतकरी-शेतमजूर हातची कामे सोडून कसा येणार? शिवाय गाड्या करून लोकांना आणण्याची आर्थिक कुवत ना पक्षाकडे- ना नेत्याकडे. 

अशा परिस्थितीत शेतकरी वर्गाला सोयाबीन व कापूस हा अत्यंत जिव्हाळ्याचा विषय. कारण या नगदी पिकावरच आगामी दसरा दिवाळी साजरी करण्याचे नियोजन असते. पण  जिल्ह्यातील कोरडवाहू शेतक-यांना पावसाने दगा दिला.

उरलीसुरली कसर महावितरणने ऐनवेळी डीपीसाठी पैसे भरण्याची अट घालून शेतक-याची अडवणूक करण्याची भूमिका घेतली. या सर्व परिस्थितीने त्यांची केलेली कोंडी खूप मोठी आहे. त्यावर या परिषदेत फूंकर घातली   झोपेचे सोंग घेतलेल्या सरकारचे डोळे उघडतील या अपेक्षेने शेतक-यांनी कार्यक्रमाला तोबा गर्दी केली.  

कारण खासदार राजू शेट्टींनी केलेल्या स्वाभिमानीच्या आंदोलनाच्या धसक्यामुळे उसाला दरवाढ मिळते. दूध दराचे आंदोलन केल्यामुळे भाववाढ होते. मग आपल्या कापूस व सोयाबीनलाही दरवाढ मिळेल, नुकसानभरपाई मिळेल या आशेवर शेतकरी आला.

राजकिय दृष्टीने विचार करणारांच्या उरात धडकी भरविणारीच ही गर्दी होती. त्यात निवडणूक जेमतेम काही महिन्यांनी असल्याने ज्यांना भाडोत्री गर्दीही मिळत नाही अशावेळी स्वाभिमानीसोबत स्वयंस्फूर्त आलेल्या गर्दीने प्रस्थापितांच्या पाचावर धारण बसली आहे. एवढे निश्चित!

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com