पुणे: मराठा आरक्षणाच्या मुद्यावर मराठेतर नेते गोलगोल बोलत असताना भाजपचे ज्येष्ठ नेते एकनाथ खडसे यांनी मराठा समाजाला ओबीसी कोट्यातून आरक्षण द्यायला विरोध केला आहे. दुसऱ्या बाजूला धनगर समाजाला आदिवासी कोट्यातून आरक्षण देण्याच्या मागणीला पाठिंबा दिला आहे.
भाजपचे प्रदेशाध्यक्ष रावसाहेब दानवे यांनी मराठा आरक्षणाचा प्रश्‍न मार्गी लावण्यासाठी कुणबी म्हणून ओबीसी कोट्यातून आरक्षण देता येईल, असे म्हटले होते. त्यावर राजकीय क्षेत्रातून प्रतिक्रिया व्यक्‍त झाली नव्हती. काल ओबीसींच्या कार्यक्रमासाठी खडसे नगरमध्ये आले होते. त्यावेळी मराठ्यांना ओबीसी कोट्यातून आरक्षण कसे देता येईल?, असा सवाल त्यांनी केला.
धनगर आरक्षणाला आदिवासी समाजाचा तीव्र विरोध असताना खडसे यांनी धनगरांची बाजू यावेळी लावून धरली.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.