राजू शेट्टींच्या आंदोलनांचे खडसेकडून अभिनंदन 

दूध उत्पादकांची अवस्था वाईट आहे. ते अत्यंत कठीण परिस्थिीतून जात आहेत. दुधाला भाव नसल्यामुळे मोठी समस्या आहे. अशा स्थितीत खासदार शेट्टी यांनी आंदोलन केल्यामुळे शेतकऱ्यांच्या दुधाला पाच रूपये भाव मिळाला त्यामुळे त्यांचे अभिनंदन केलेच पाहिजे - एकनाथ खडसे
Raju Shetty & Eknath Khadse
Raju Shetty & Eknath Khadse

जळगाव : स्वाभिमानी शेतकरी संघटनेचे नेते खासदार राजू शेट्टी यांनी दूध दरवाढीसाठी केलेल्या आंदोलनामुळेच शेतकऱ्यांच्या दूध भावात पाच रूपये वाढ झाली आहे. त्यामुळे माजी मंत्री एकनाथ खडसे यांनी खासदार शेट्टी यांचे अभिनंदन केले आहे. तर जिल्हा दूध संघाच्या बैठकीतही हा अभिनंदनाचा ठराव मंजूर करण्यात आला.

जळगाव जिल्हा दूध संघाच्या सभासदांची वार्षिक सर्वसाधारण सभा 'हॉटेल क्रेझी होम' येथे आयोजित करण्यात आली होती. अध्यक्षस्थानी संघाच्या अध्यक्षा मंदाकिनी खडसे होत्या. यावेळी माजी महसूलमंत्री एकनाथ खडसे प्रमुख पाहुणे म्हणून उपस्थित होते. यावेळी संस्थेचे संचालक व सभासदही उपस्थित होते. शेतकऱ्यांच्या दूधाला भाव नसल्यामुळे परिस्थिती बिकट झाली आहे. अशा स्थितीत खासदार राजू शेट्टी यांनी दूध खरेदीच्या भाववाढीसाठी आंदोलन केले. त्यामुळे शेतकऱ्यांच्या दूधाला पाच रूपये भाववाढ मिळाली त्यामुळे त्यांचे अभिनंदन करावे असा ठराव सभासदांनी मांडला त्या एकमताने मंजूरी देण्यात आली. 

एकनाथ खडसे यावेळी बोलताना म्हणाले, ''दूध उत्पादकांची अवस्था वाईट आहे. ते अत्यंत कठीण परिस्थिीतून जात आहेत. दुधाला भाव नसल्यामुळे मोठी समस्या आहे. अशा स्थितीत खासदार शेट्टी यांनी आंदोलन केल्यामुळे शेतकऱ्यांच्या दुधाला पाच रूपये भाव मिळाला त्यामुळे त्यांचे अभिनंदन केलेच पाहिजे.''
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com