dilip mohite criticizes adhalrao | Sarkarnama

आता नाही कोणतीच लाट....आढळरावांची खासदार म्हणून नाही होणार भेट!

सदाशिव अमराळे
सोमवार, 15 एप्रिल 2019

दावडी :  पंधरा वर्षांत खासदारांनी बैलगाडा शर्यत सुरू करू, असे आश्वासन देऊन शेतकऱ्यांच्या तोंडाला पाने पुसली. विमानतळ घालवले, वाहतूक कोंडीचा प्रश्न सोडवला नाही, अशा निष्क्रिय खासदाराला घरी बसवून मला संधी द्या, असे आवाहन शिरूरचे कॉंग्रेस-राष्ट्रवादीचे उमेदवार डॉ. अमोल कोल्हे यांनी दावडी (ता. खेड) येथे केले.

डॉ. कोल्हे यांचा खेड तालुका गावभेट दौरा शनिवारी झाला. या वेळी ते म्हणाले, ""पदवीधर मुले सुरक्षारक्षकाची नोकरी मागत आहेत. तरुणांच्या हातात दगड दिला जातोय. आज समाजाला दगड उचलणाऱ्यांची नाहीतर दगड रचणाऱ्याची गरज आहे.'' 

दावडी :  पंधरा वर्षांत खासदारांनी बैलगाडा शर्यत सुरू करू, असे आश्वासन देऊन शेतकऱ्यांच्या तोंडाला पाने पुसली. विमानतळ घालवले, वाहतूक कोंडीचा प्रश्न सोडवला नाही, अशा निष्क्रिय खासदाराला घरी बसवून मला संधी द्या, असे आवाहन शिरूरचे कॉंग्रेस-राष्ट्रवादीचे उमेदवार डॉ. अमोल कोल्हे यांनी दावडी (ता. खेड) येथे केले.

डॉ. कोल्हे यांचा खेड तालुका गावभेट दौरा शनिवारी झाला. या वेळी ते म्हणाले, ""पदवीधर मुले सुरक्षारक्षकाची नोकरी मागत आहेत. तरुणांच्या हातात दगड दिला जातोय. आज समाजाला दगड उचलणाऱ्यांची नाहीतर दगड रचणाऱ्याची गरज आहे.'' 

माजी आमदार दिलीप मोहिते म्हणाले, ""मोदी लाटेमुळं तिसऱ्यांदा घोडं गंगेत न्हालं, मात्र आता कुठलीही लाट नाही व खासदारांची पुन्हा भेट होणार नाही.''

पाऊस असूनही जल्लोषात स्वागत 
दावडीला प्रचारसभेस पाऊस सुरू असूनही मोठ्या संख्येने ग्रामस्थ उपस्थित होते. अमोल कोल्हे यांचे आगमन होताच ग्रामस्थांनी जल्लोषात स्वागत केले व सजवलेल्या बैलगाडीतून मिरवणूक काढली. तरुण उत्स्फुर्तपणे त्यांच्याबरोबर सेल्फी काढत होते. 

यावेळी कैलास सांडभोर, निर्मला पानसरे, विलास कातोरे, विनायक घुमटकर, सुरेखा मोहिते, नवनाथ होले, चंद्रकांत इंगवले, विजय डोळस, सरपंच वंदना दत्तात्रय सातपुते, दशरथ गाडे, ऍड. तात्या पानसरे, केरभाऊ म्हसाडे उपस्थित होते. सूत्रसंचालन रामदास बोत्रे, प्रास्ताविक वंदना सातपुते यांनी केले. आभार संतोष गव्हाणे यांनी मानले. 

संबंधित लेख