dhyairshil mane joins shivsena | Sarkarnama


ब्रेकिंग न्यूज

विनोद तावडे कृष्णकुंजवर . राज ठाकरे आणि विनोद तावडे यांच्यात चर्चा .

धैर्यशील माने यांचा शिवसेनेत प्रवेश; हातकणंगलेत राष्ट्रवादीला झटका

सरकारनामा ब्यूरो
बुधवार, 28 नोव्हेंबर 2018

मुंबई : राष्ट्रवादी काॅंग्रेसला हातकणंगले मतदारसंघात झटका बसला असून माजी खासदार निवेदिता माने आणि त्यांचे पुत्र धैर्यशील यांनी राष्ट्रवादीचा राजीनामा देत आज शिवसेनेत प्रवेश केला. धैर्यशील हे आता हातकणंगले मतदारसंघातून आगामी लोकसभा निवडणूक लढविणार असल्याचे स्पष्ट झाले आहे.

मुंबई : राष्ट्रवादी काॅंग्रेसला हातकणंगले मतदारसंघात झटका बसला असून माजी खासदार निवेदिता माने आणि त्यांचे पुत्र धैर्यशील यांनी राष्ट्रवादीचा राजीनामा देत आज शिवसेनेत प्रवेश केला. धैर्यशील हे आता हातकणंगले मतदारसंघातून आगामी लोकसभा निवडणूक लढविणार असल्याचे स्पष्ट झाले आहे.

येथील विद्यमान खासदार आणि स्वाभिमानी शेतकरी संघटनेचे राजू शेट्टी आणि राष्ट्रवादी काॅंग्रेसचे नेते शरद पवार यांची गेल्या आठवड्यात भेट झाल्यानंतर या मतदारसंघातील समीकरणे बदलणार असल्याची चर्चा होती. त्यानुसार तसेच घडले. पवार यांच्या भेटीला माने कुटुंबीय गेले नव्हते. तसेच पवार यांनी देखील शेट्टी यांच्या उमेदवारीला ग्रीन सिग्नल दिला होता.

माने कुटुंबीय तडजोडीच्या भूमिकेत नसल्याने धैर्यशील यांनी थेट आज मातोश्रीवर जाऊन उद्धव ठाकरे यांच्या उपस्थितीत शिवबंधन बांधून घेतले. त्यांचा भगवा झेंडा हाती घेतलेला फोटो व्हायरल झाला.  

संबंधित लेख