धनगर समाजाने घातला सरकारचा गोंधळ 

धनगर समाजाने घातला सरकारचा गोंधळ 

फलटण : धनगर समाज आरक्षण कृती समितीच्यावतीने येथील अधिकार गृह इमारतीसमोर धनगर समाजाचा अनुसूचित जमातीमध्ये (एस.टी.) समावेश करावा या मागणीसाठी आंदोलन सुरु आहे. आंदोलनस्थळी धनगर समाज बांधवानी राज्य सरकारच्या विरोधात जागरण, गोंधळ करून आपल्या मागण्यासाठी एल्गार पुकारला. 

महाराष्ट्र राज्य धनगर समाज आरक्षण कृती समितीचे अध्यक्ष हणमंतराव सुळ यांनी धरणे आंदोलनास भेट देवून पाठिंबा व्यक्त केला. यावेळी हणमंतराव सुळ म्हणाले, भारतरत्न डॉ. बाबासाहेब आंबेडकर यांनी धनगर समाजाचा अनुसूचित जमातीमध्ये समावेश केला. परंतू तत्कालीन राज्यकर्त्यांनी जाणीवपूर्वक धनगर समाजाला या आरक्षणापासुन वंचित ठेवल्याचा आरोप करीत या सरकारने त्याची त्वरित अंमलबजावणी करावी अशी आमची प्रमुख मागणी आहे. ती त्वरित मान्य होईल, ही अपेक्षा या सरकारकडून व्यक्त करू. 

धनगर समाज बांधवांचे बेमुदत धरणे आंदोलन गेले आठ दिवसांपासून सुरू आहे. हे आंदोलन समाज बांधवांनी शांततेच्या मार्गाने करावे. कुठलाही अनुचित प्रकार करून शासनाच्या मालमत्तेची हानी होईल असे कृत्ये करू नये, असे आवाहन त्यांनी केले. या आंदोलनास बारामती पंचायत समिती चे माजी सभापती अविनाश गोफणे, माळेगांव साखर कारखान्याचे संचालक अविनाश देवकाते, कारखान्याचे माजी उपाध्यक्ष गुलाबराव देवकाते यांच्यासह विविध सामाजिक संघटनांनी पाठिंबा दिला. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com