मुंबई : मंत्रालयापासून हाकेच्या अंतरावर असलेल्या यशवंतराव चव्हाण प्रतिष्ठानच्या सभागृहात कॅबिनेट मंत्री महादेव जानकरांनी पुण्यश्लोक अहल्यादेवी होळकर यांच्या जयंतीचा कार्यक्रम आयोजित केला होता. मात्र, या कार्यक्रमाला मुख्यमंत्री देवेंद्र फडणवीस यांनी दांडी मारली. मुख्यमंत्र्यांनी कार्यक्रमाकडे पाठ फिरवल्याने उपस्थितांमध्ये उलटसुलट चर्चांना उधाण आले होते.
जानकर यांनी अहल्यादेवी होळकर यांच्या जयंतीचा कार्यक्रम आयोजित केला होता. या कार्यक्रमाचे उद्घाटन मुख्यमंत्री देवेंद्र फडणवीस यांच्या हस्ते होणार होते, परंतु मुख्यमंत्र्यांनी या कार्यक्रमाकडे पाठ फिरवली.
काही जणांचे म्हणणे होते की, जानकरांच्या वागणुकीमुळे मुख्यमंत्री नाराज आहेत.
चौंडी येथे झालेल्या अहल्यादेवी होळकर यांच्या जयंती उत्सवात महिला व ग्रामविकास मंत्री पंकजाताई मुंडे यांना उपस्थितांनी धनगर समाजाला आरक्षण कधी देणार, असा सवाल उपस्थित करून मोठी पंचाईत केली . हीच वेळ आपल्यावर येईल की, या कारणामुळेच मुख्यमंत्री आले नसावेत असेही काहींची म्हणणे होते.
चौंडी येथे जलसंपदामंत्री राम शिंदे यांनी आयोजित केलेल्या कार्यक्रमालाही मुख्यमंत्री उपस्थित राहू शकले नव्हते. त्यामुळे आपल्याच मंत्र्यांच्या कार्यक्रमाला न जाता जानकरांच्या कार्यक्रमाला जाणे योग्य होणार नसल्याने मुख्यमंत्री जानकरांच्या कार्यक्रमाला आले नसावेत असेही बोलले जात होते.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.