कोल्हापूर : आमदार नारायण राणेंपेक्षा मी कितीतरी पटीने सरस आहे. कोकणात अवघ्या दोन वर्षात विकासकामांतून कर्तृत्व सिद्ध केले. राणे यांचा इतिहास सर्वज्ञात आहे, असे सांगून गृहराज्य मंत्री दीपक केसरकर यांनी राणें पेक्षा आपणच श्रेष्ठ असल्याचा दावा पत्रकार परिषदेत केला.
आमदार राणे यांचे भाजपातील नेत्यांशी वाढती जवळीक आणि दौरे यांमुळे ते पुन्हा चर्चेत आले आहेत. कोकणचा राजा म्हणून एकेकाळी दबदबा असलेले राणे शिवसेनेतून कॉग्रेसमध्ये आले. आता त्यांचा भाजप प्रवेश होण्याची शक्‍यता वर्तविली जात आहे. राणे भाजप मध्ये प्रवेशाबद्दल मत विचारल्यानंतर मंत्री केसरकर म्हणाले,"" कोकणात अवघ्या दोन वर्षात केलेल्या विकासकामाआधारे मी माझे कर्तृत्व सिद्ध केले आहे. आमदार नारायण राणे पेक्षा विकासकामात मी अधिक सरस आहे. कोकणात भाजप आणि शिवसेनेच्या ताब्यातच जास्तीत जास्त स्थानिक स्वराज्य संस्था आहेत. मालवण मधील राणे यांचा विजय हा त्याला अपवाद आहे. राणे यांनी आत्तापर्यंत केलेल्या कोकणच्या विकासापेक्षा गेल्या दोनच वर्षात निधींचा वर्षाव कोकणावर केला आहे. विकासकामांतून मी माझे कतृत्व सिद्ध केले आहे. राणे यांचा राजकारणातील इतिहास सर्वज्ञात आहे. त्यामुळे त्यांच्या बाबत नवीन काही सांगायची गरज नाही. भाजपला त्यांचे वर्तन पटत असेल तर ते त्यांना पक्षात घेतील. हा त्यांचा प्रश्‍न आहे. शिवसेनेत मात्र सर्व निर्णय कार्याध्यक्ष उद्धवजी ठाकरेच घेतात.''
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.