काँग्रेस-राष्ट्रवादी 'पारनेर विधानसभा' भारतीय कम्युनिस्ट पक्षाला सोडणार?

अॅड. आझाद ठुबे यांनी शक्तीप्रदर्शन करत आपण पारनेर विधानसभेचे उमेदवार आहोत, हे दाखविण्याची संधी साधली.
काँग्रेस-राष्ट्रवादी 'पारनेर विधानसभा' भारतीय कम्युनिस्ट पक्षाला सोडणार?

पारनेर (नगर) : शेतकरी, कष्टकरी, कामगारांच्या विविध मागण्यांसाठी मुंबईत आझाद मैदानावर भारतीय कम्युनिस्ट पक्षाच्यावतीने एल्गार पुकारण्यात आला होता. या मोर्चाच्या निमित्ताने माजी जिल्हा परिषद सदस्य अॅड. आझाद ठुबे यांनी शक्तीप्रदर्शन करत आपण पारनेर विधानसभेचे उमेदवार आहोत, हे दाखविण्याची संधी साधली.

या मोर्चास पक्षाचे राष्ट्रीय कौन्सिल सदस्य भालचंद्र कांगो, कॉ. सुभाष लांडे, अॅड. आझाद ठुबे, स्मिता पानसरे, कॉ. बन्सीभाऊ सातपुते, कॉ. संतोष खोडदे, कॉ. शांताराम वाळुंज कॉ. एल .एम डांगे यांच्यासह हजारो कम्युनिस्ट कार्यकर्ते उपस्थित होते.

या वेळी पक्षाचे राज्याचे सेक्रेटरी तुकाराम भसले यांनी काँग्रेस, राष्ट्रवादी काँग्रेसने भारतीय कम्युनिस्ट पक्षाबरोबर आघाडी केली तर आम्ही तीन जागा मागणार आहोत. त्यात पारनेरची जागा प्राधान्याने घेणार. दोन्ही पक्ष ही जागा सोडण्यास तयार असल्याचे त्यांनी सांगितले.

दरम्यान, या मतदार संघात काँग्रेस व राष्ट्रवादी काँग्रेसचे उमेदवार पराभूत झाल्याने ही जागा सोडण्यात येण्याची शक्यता निर्माण झाली आहे. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com