बूथ कमिट्या नसल्याने गुजरातमध्ये काँग्रेसची सत्ता हुकली : बाळासाहेब थोरात 

गुजरातमध्ये पंतप्रधान नरेंद्र मोदी यांना अनुकुल स्थिती नाही. राजकीय वातावरण त्यांच्या विरोधात आहे. विधानसभा निवडणुकीत काँग्रेसला त्यांचा पराभव शक्‍य होता. मात्र, केवळ पक्षाच्या बुथ स्तरावर कमिट्या नसल्याने गुजरातमध्ये सरकार स्थापन करण्यात पक्ष कमी पडला - बाळासाहेब थोरात
Balasaheb Thorat Congress
Balasaheb Thorat Congress

नाशिक : गुजरातमध्ये पंतप्रधान नरेंद्र मोदी यांना अनुकुल स्थिती नाही. राजकीय वातावरण त्यांच्या विरोधात आहे. विधानसभा निवडणुकीत काँग्रेसला त्यांचा पराभव शक्‍य होता. मात्र, केवळ पक्षाच्या बुथ स्तरावर कमिट्या नसल्याने गुजरातमध्ये सरकार स्थापन करण्यात पक्ष कमी पडला. आता ही उणीव भरुन काढणार असून देशभर पक्षाध्यक्ष राहूल गांधींशी संपर्काची व्यवस्था केली जात आहे, अशी माहिती आमदार बाळासाहेब थोरात यांनी दिली. 

आमदार थोरात अखिल भारतीय काँग्रेस महासमितीचे सदस्य झाल्याबद्दल कार्यकर्त्यांनी त्यांचे स्वागत केले. यावेळी नाशिक मध्य मतदारसंघात पक्षाच्या शक्ती अॅप चे उद्‌घाटन त्यांच्या हस्ते झाले. यावेळी ते म्हणाले, ''नोटाबंदीसाठी भाजप सरकारने अनेक कारणे दिली होती. त्यातील एकही कारण सिद्ध होऊ शकले नाही. उलट देशाच्या अर्थव्यवस्थेवर परिणाम होऊन सामान्य नागरिक अडचणीत आहे. सामान्यांना चार हजार रुपये बदलण्यासाठी रांगेत उभे राहावे लागले. धनाढ्यांना मात्र नोटांची बंडले बदलून मिळाली." 

थोरात यांनी पेट्रोल दरवाढ, महागाई, जीएसटी प्रणाली यासंदर्भात सरकारवर टीका केली. ते म्हणाले, "केंद्र व राज्यात अस्थितेचे वातावरण आहे. सत्ता असताना पक्षात येण्यासाठी सगळ्यांचीच गर्दी असते. सत्तेबाहेर असतांना, मात्र वाईट स्थितीत पक्षाला सर्वांनी साथ दिली पाहिजे. तरुणांना आताच काँग्रेसकडे येण्याची संधी आहे." युवकांनी जास्तीत जास्त प्रमाणात काँग्रेसच्या संपर्कात येण्याची भावनिक सादही त्यांनी घातली. बूथ कमिट्यांचे कार्य थेट राष्ट्रीय पक्षश्रेष्ठीपर्यंत पोचवावे तसेच सामान्य नागरिक ते वरिष्ठ पदाधिकाऱ्यांचा संपर्क थेट दिल्लीशी होण्यासाठी उत्तम प्रकारच्या संवादाचे माध्यम म्हणून काँग्रेस अध्यक्ष राहुल गांधींच्या संकल्पनेतून 'शक्ती अॅप' तयार केल्याचे त्यांनी स्पष्ट केले. 

यावेळी आमदार डॉ. सुधीर तांबे, माजी मंत्री डॉ. शोभा बच्छाव, जिल्हाध्यक्ष राजाराम पानगव्हाणे, शहराध्यक्ष शरद आहेर, गटनेता शाहू खैरे, नगरसेविका डॉ. हेमलता पाटील, वत्सला खैरे, आशा तडवी, नगरसेवक राहुल आहेर, संपत सकाळे, दिगंबर गिते, बबलू खैरे, अल्पसंख्याक शहराध्यक्ष हनिफ बशीर आदी उपस्थित होते. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com