cm help on one sms | Sarkarnama


ब्रेकिंग न्यूज

राणा जगजितसिंह उस्मानाबादचे राष्ट्रवादीचे उमेदवार : पवारांची घोषणा
सोलापूर जिल्हा परिषदेचे अध्यक्ष संजय शिंदे यांचा शरद पवार यांच्या उपस्थितीत बारामतीत राष्ट्रवादी कॉंग्रेसमध्ये प्रवेश...
हेमामालिनी या मथुरा येथून निवडणूक लढविणार
नरेंद्र मोदी वाराणशीतून, अमित शहा हे गांधीनगरमधून, नितीन गडकरी नागपूरमधून आणि राजनाथसिंह हे लखनौमधून निवडणूक लढविणार

एका एसएमएसवर मुख्यमंत्र्यांनी केली लाखाची वैद्यकीय मदत ! 

तुषार खरात 
मंगळवार, 10 एप्रिल 2018

मुंबई : गंगापूर (जि. औरंगाबाद) येथील गंगाराम पवार हे मजुरी करतात. त्यांच्या तीन वर्षाच्या मुलाला दुर्दम्य आजाराने ग्रासलेले. कुठूनच मदत होत नसल्याने पवार कमालीचे हताश झालेले. खिशात अवघे 16 रुपये. अशातच त्यांचे एक नातेवाईक थेट मुख्यमंत्री देवेंद्र फडणवीस यांच्या मोबाईलवर एसएमएस पाठवतात. तो एसएमएस वाचल्यानंतर दुसऱ्याच क्षणाला मुख्यमंत्री लगेचच सूचना करतात. त्यांचे विशेष कार्य अधिकारी ओमप्रकाश शेटे तातडीने कामाला लागतात, अन्‌ काही तासांतच तो चिमुरडा एका पंचतारांकित खासगी रूग्णालयात भरती होतो. 

मुंबई : गंगापूर (जि. औरंगाबाद) येथील गंगाराम पवार हे मजुरी करतात. त्यांच्या तीन वर्षाच्या मुलाला दुर्दम्य आजाराने ग्रासलेले. कुठूनच मदत होत नसल्याने पवार कमालीचे हताश झालेले. खिशात अवघे 16 रुपये. अशातच त्यांचे एक नातेवाईक थेट मुख्यमंत्री देवेंद्र फडणवीस यांच्या मोबाईलवर एसएमएस पाठवतात. तो एसएमएस वाचल्यानंतर दुसऱ्याच क्षणाला मुख्यमंत्री लगेचच सूचना करतात. त्यांचे विशेष कार्य अधिकारी ओमप्रकाश शेटे तातडीने कामाला लागतात, अन्‌ काही तासांतच तो चिमुरडा एका पंचतारांकित खासगी रूग्णालयात भरती होतो. 

एखाद्या चित्रपटातील कहाणी ऐकावी असा हा प्रकार गेल्या आठवड्यात घडला. वेदांत गंगाराम पवार या मुलाला विचित्र आजार जडला आहे. त्याच्या शरिरात रक्त बनण्याची प्रक्रिया थांबली आहे. त्यासाठी त्याच्यावर "बोन मॅरो ट्रान्सप्लंट" हा उपचार करावा लागणार आहे. पण त्यासाठी तब्बल लाख रुपयांची गरज होती. घरात अठरा विश्व दारिद्रय असलेल्या गंगाराम पवार यांना एवढ्या रकमेची जुळवाजुळव करणे केवळ अशक्‍य होते. पण पवार यांच्या बहिणीने, म्हणजे वेदांतच्या (रेणूका) आत्याने थेट मुख्यमंत्र्यांना एसएमएस पाठविला. या मुलाला तातडीने उपचार मिळवून देण्यासाठी मुख्यमंत्र्यांनी त्यांच्या कार्यालयातील वैद्यकीय कक्षाचे ओएसडी ओमप्रकाश शेटे यांना सुचना केली. 

आजारी व्यक्तींना मदत मिळवून देण्यासाठी शेटे नेहमीच आकाशपाताळ एक करतात. त्यामुळे मुख्यमंत्र्यांकडून सुचना येताच त्यांनी वेदांतच्या नातेवाईकांना लगेचच संपर्क साधला. त्याच्या आजाराची माहिती घेतली. मुंबईत हाजीअली या ठिकाणी बालकांसाठी एसआरसीसी नावाचे नव्यानेच एक खासगी पंचतारांकित रूग्णालय सुरू झाले आहे. या रूग्णालयाला शेटे यांनी आदेश देवून वेदांतला तिथे दाखल केले. सध्या वेदांत या रूग्णालयात उपचार घेत आहे. येत्या काही दिवसांत त्याच्यावर शस्त्रक्रिया होईल. 

वेदांतवर उपचार करण्यासाठी सुमारे 15 लाख रुपयांची गरज आहे. मुख्यमंत्री वैद्यकीय सहायता कक्षामार्फत काही लाखाची रक्कम दिली जाणार आहे, तर कक्षानेच पुढाकार घेऊन उर्वरीत रक्कम टाटा फाऊंडेशनमार्फत मिळवून देण्याची तजवीज केली असल्याचे सूत्रांनी"सरकारनामा"ला सांगितले. 

संबंधित लेख