मोदी सरकारविरोधात दाखल केलेल्या अविश्‍वास ठरावाबाबत नेमके करायचे तरी काय ू याबददलचा निर्णय मातोश्रीवरुन दिल्लीला पोहोचवला जात नव्हता.नेमके काय करायचे आहे याचे उत्तर न मिळाल्याने शिवसैनिक खासदार अस्वस्थ होते.
संसदेतला मतदानाचा क्षण जवळ येत असल्याने खासदार अस्वस्थ होते. अखेर प्रतोद या नात्याने औरंगाबादचे लोकप्रिय खासदार चंद्रकांत खैरे यांनी विश्‍वासमताला पाठिंबा दयायचा आहे हे गृहित धरून व्हीप जारी केला.सर्व शिवसेना खासदारांनी लोकसभेत हजर रहावे असा मोघम निरोप त्यात होता पण सेना अविश्‍वास ठरावाच्या विरोधात मतदान करणार असा त्याचा अर्थ निघाला.
दुसरीकडे दक्षिण मुंबईचे खासदार अरविंद सावंत कोणताही निर्णय झाला नाही असे सांगत होते तर शिवसेनेतील तडफदार नेते संजय राउत सरकार पडेल असे वाटत नाही पण आमचा निर्णय अदयाप बाकी आहे असा कंठशोष करीत होते.अखेर सेनेने तटस्थ रहाण्याचा निर्णय घेतला.सावंत यांनी भाषण करणेही अपेक्षित होते पण ते नंतर टळले.
मोदींना भाजपच्या संख्याबळापेक्षा जास्त मते मिळाली मात्र सेना वेगळीच राहिली.तटस्थ ,बाजूला. हे का घडले याचा अभ्यास भाजप करेलही पण सेनेतला ज्वलंत मुददा आहे तो खैरे यांनी संमती नसताना पत्र जारी केलेच कसे.सेनेचे पक्षप्रमुख उदधव ठाकरे यांच्याशी खैरेंचे उत्तम संबंध आहेत पण तरीही मंजूर नसताना काढलेल्या या व्हीपबददल खैरेंना किंमत चुकवावी लागणार आहे. खैरेंची खैर नसल्याने अन्य स्पर्धक खासदार , राज्यातले मंत्री मात्र खुषीत आहेत.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.