येवला : माजी उपमुख्यमंत्री छगन भुजबळ उद्या (ता. 25) आपल्या होमपीचवर मुक्कामी येत आहेत. यावेळी त्यांच्या हस्ते विविध विकासकामांचे भूमीपुजन होईल. विशेष म्हणजे निवडून आल्यानंतर विविध कायदेशीर अडचणीत सापडल्याने ते गेल्या चार वर्षात मतदारसंघात येऊ शकले नव्हते. आता तब्बल चार वर्षानंतर मतदारसंघात त्यांच्या उपस्थितीत विकासकामांचा शुभारंभ होणार आहे. अधिकाऱ्यांच्या बैठका, कार्यकरर्ते, मतदारांशी मॅरेथॉन चर्चा असा त्यांच्या दौऱ्याचा कार्यक्रम आहे.
या दौऱ्यात मतदारसंघातील आठ कोटींच्या विविध विकासकामांचे उद्घाटन, भूमीपुजन होईल. उच्च्पदस्थ अधिका-यांसमवेत पहाणी, आढावा बैठका होतील. यामुळे मतदारसंघात विकासाची खंडीत प्रक्रीया पुन्हा सुरु होईल, असे स्विय सहाय्यक बाळासाहेब लोखंडे यांनी सांगितले. यावेळी नाशिकला भुजबळ फार्म येथे कार्यकर्त्यांची भेट घेऊन सायंकाळी सहाला चांदवडचे माजी आमदार शिरीषकुमार कोतवाल यांच्या वाढदिवसाच्या अभिष्टचिंतन सोहळ्याला उपस्थित राहतील. त्यांनंतर येवला येथील संपर्क कार्यालय येथे कार्यकर्त्यांच्या भेटीनंतर मुक्काम करणार आहेत. यामध्ये पुणेगांव - दरसवाडी पोहच कालवा कामाची ते पाहणी करणार आहेत
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.