पालघर : भाजपचे खासदार चिंतामणी वनगा यांच्या निधनाने रिक्त झालेल्या पालघर लोकसभा पोटनिवडणुकीत भाजपचे राजेंद्र गावित 44589 मतांनी विजयी झाले. पालघर लोकसभा पोटनिवडणुकीत भाजपाकडून काँग्रेसमधून आलेले राजेंद्र गावित, शिवसेनेकडून श्रीनिवास वनगा, काँग्रेसकडून दामोदर शिंगडा, माकपाकडून किरण गहला, बहुजन विकास आघाडीकडून बळीराम जाधव आणि इतर चार अपक्ष उमेदवार होते.
शिवसेनेने दिवंगत वनगा यांचे पूत्र श्रीनिवास वनगा यांना उमेदवारी दिल्याने भाजपमध्ये अस्वस्थता होती. भाजपाने काँग्रेसमधून राजेंद्र गावित यांना आयात करत त्यांना उमेदवारी दिली. मुख्यमंत्री देवेंद्र फडवणीस यांनी ही निवडणूक प्रतिष्ठेची बनवली होती. निवडणुकीसाठी उत्तर प्रदेशचे मुख्यमंत्री योगी आदित्यनाथ यांनाही प्रचारासाठी भाजपने आणले होते. शिवसेनेनेही ही निवडणूक प्रतिष्ठेची बनवली होती.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.