भाजपने पुण्यात जागरण- गोंधळ घालून केला जल्लोष!

भाजपने पुण्यात जागरण- गोंधळ घालून केला जल्लोष!

पुणे : विधानसभा व विधानपरिषदेत मराठा आरक्षण विधेयक मंजूर झाल्याचा आनंद शहर भारतीय जनता पक्षाने टिळक चौकात जागरण गोंधळ घालून व्यक्त केला. शहरात विविध ठिकाणी फटाके वाजविण्यात आले. 

आता आंदोलन नको; एक डिसेंबरला जल्लोष करा, असे मुख्यमंत्री दवेंद्र फडणवीस यांनी दहा दिवसांपूर्वी जाहीर केले होते. मात्र त्याआधी आजच विधानसभा व विधानपरिषदेत आरक्षण मंजूर झाल्याने राज्यभर आजच जल्लोष करण्यात आला. मराठा आरक्षण मंजूर झाल्यानंतर भाजपा कार्यकर्त्यांनी साखर, पेढे वाटून तसेच फटाके वाजवून स्वागत करावे, असे पक्षाच्यावतीने सांगण्यात आले होते. त्याप्रमाणे पुण्यात आज अनेक ठिकाणी दुपारपासूनच जल्लोष करण्यात आला.

शहर भाजपाच्यावतीने टिळक चौकात मोठा जल्लोष करण्यात आला. आनंद व्यक्त करण्यासाठी यावेळी जागरण गोंधळ घालण्यात आले. पक्षाचे शहराध्यक्ष योगेश गोगावले यांच्यासह पदाधिकारी यावेळी उपस्थित होते. राज्य सरकारने दिलेला शब्द पाळला असून मुख्यमंत्री देवेंद्र फडणवीस यांच्या नेतृत्वाखालील सरकारने ऐतिहासिक कामगिरी केले आहे, असे यावेळी गोगावले यांनी सांगितले. 

भाजपाचा ध्वज व भगवे फेटे बांधलेल्या कार्यकर्त्यांनी दुचाकीवरून गटागटाने शहरातून रॅली काढली. शहराच्या काही भागात चौका-चौकात ध्वनिवर्धक लावून आनंद व्यक्त करण्यात आला. दिलेल्या शब्दाप्रमाणे आरक्षण वेळेत दिल्याबद्दल मुख्यमंत्री देवेंद्र फडणवीस यांचे आभार व्यक्त करणाऱ्या घोषणा देण्यात येत होत्या. दिलेल्या आरक्षणाला न्यायालयात कुणी आव्हान दिले तर आरक्षण टिकावे यासाठी राज्य सरकारने जय्यत तयारी केली पाहिजे, अशी भूमिका अनेकांनी मांडली. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com