गिरीश महाजन हे भारतीय जनता पक्षाचे जामनेर (जि. जळगाव) मतदार संघाचे आमदार आहेत. पाचवेळा ते याच मतदार संघातून निवडून येत आहेत. महाजन यांचे वडील दत्तात्रेय महाजन जामनेर येथे शिक्षक होते. अखिल भारतीय विद्यार्थी परिषदेपासून त्यांच्या राजकीय जीवनाची सुरूवात झाली आहे.
1978 मध्ये गिरीश महाजन अखिल भारतीय विद्यार्थी परिषदेचे सदस्य झाले. विद्यार्थी दशेतच त्यांनी भारतीय जनता युवा मोर्चाचे सदस्यपद घेतले. आपल्या कामाच्या बळावर ते युवा मोर्चाचे प्रदेशाध्यक्ष झाले. 1992 मध्ये त्यांनी जामनेर ग्रामपंचायत सदस्यपदाची निवडणूक लढवून ते निवडून आले. त्याच वर्षी ते जामनेरचे सरपंचही झाले. सन 1985 मध्ये जामनेर विधानसभा मतदार संघातून भारतीय जनता पक्षातर्फे ते निवडून आले. त्यात सतत पाच वेळा ते याच मतदार संघातून विजयी झाले आहेत. 2014 मध्ये राज्यात भाजप-सेना युतीचे सरकार आल्यानंतर त्यांचा मंत्रिमंडळात समावेश झाला. जलसंपदा व वैद्यकिय आरोग्य शिक्षणमंत्री ही महत्वाची खाती त्यांना देण्यात आली. या शिवाय नाशिक जिल्ह्याचे पालकमंत्रीपदही त्यांच्याकडे देण्यात आले. नाशिक येथे झालेल्या कुंभमेळ्याचे शासकीय पातळीवर त्यांनी चांगले नियोजन केले होते.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.