जीवा पांडू गावीत हे महाराष्ट्राच्या तेराव्या विधानसभेतील डाव्या पक्षाचे एकमेव आमदार आहेत. नाशिक जिल्ह्यात विविध प्रश्नांवर मोठे मोर्चे काढले आहेत. औरंगाबाद येथे शिक्षण घेत असतांनाच वसतिगृहातील समस्या सोडवण्यासाठी त्यांनी प्रशासनाकडे पाठपुरावा केला. त्यावेळी साम्यवादी चळवळ जोरात होती. डाव्या पक्षांनी काढलेल्या मोर्चात त्यांनी आघाडी घेतली. सुरगाण्याला मुळ गावी आल्यावर ते कम्युनिस्ट पक्षाच्या चळवळीत सक्रीय झाले. श्री. गावित 1978 मध्ये पहिल्यांदा आमदार झाले. तेव्हापासून सुरगाणा या आदिवासी राखीव मतदारसंघातून सात वेळा ते आमदार म्हणून निवडून गेले आहेत. वनजमिनींचा लढा, आदिवासीचे प्रश्न आणि शेतमजुरांच्या प्रश्नावर सरकारविरोधात आक्रमकरित्या सातत्याने संघर्ष करीत आले आहेत. गतवर्षी वनजमिनी नावे करण्यात याव्यात यासाठी त्यांनी नाशिक ते मुंबई लॉंग मार्च काढल्याने ते विशेष चर्चेत आले. या विषयाचा ते अद्यापही पाठपुरावा करीत आहेत. सध्या ते किसान सभेचे राज्य अध्यक्ष आहेत.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.