साताऱ्यात भवानी मातेच्या तलवारीची दसरा मिरवणूक उत्साहात

खासदार उदयनराजे भोसले यांचे निवासस्थान असलेल्या जलमंदिर पॅलेस येथे श्री भवानी मातेचे तलवारीचे पूजन झाल्यानंतर तेथून दसरा मिरवणुकीस सायंकाळी सुरवात झाली. मिरवणुकीत खासदार उदयनराजे भोसले, त्यांचे सुपुत्र विरप्रतापसिंहराजे भोसले, शिवप्रतिष्ठान हिंदुस्थानचे संस्थापक संभाजी भिडे गुरुजी, तसेच सातारकर नागरिक मोठ्यासंख्येने सहभागी झाले होते.
साताऱ्यात भवानी मातेच्या तलवारीची दसरा मिरवणूक उत्साहात

सातारा : घोड्यांवर स्वार बाल शिवाजी आणि त्यांचे मावळे, सजवलेल्या बैलगाड्या आणि झांज पथक आणि ढोल लेझीम अशा शाही थाटात सातारा शहरातून श्री भवानी मातेच्या तलवारीची दसरा मिरवणूक शानदारपणे काढण्यात आली. 

खासदार उदयनराजे भोसले यांचे निवासस्थान असलेल्या जलमंदिर पॅलेस येथे श्री भवानी मातेचे तलवारीचे पूजन झाल्यानंतर तेथून दसरा मिरवणुकीस सायंकाळी सुरवात झाली. मिरवणुकीत खासदार उदयनराजे भोसले, त्यांचे सुपुत्र विरप्रतापसिंहराजे भोसले, शिवप्रतिष्ठान हिंदुस्थानचे संस्थापक संभाजी भिडे गुरुजी, तसेच सातारकर नागरिक मोठ्यासंख्येने सहभागी झाले होते. 

राजपथावरून ही शाही दसरा मिरवणूक पोवईनाक्‍यावर आली. येथे ऐतिहासिक भवानी तलवारीचे पूजन खासदार उदयनराजे भोसले व सुपुत्र विरप्रतापसिंहराजे भोसले यांच्या हस्ते करण्यात आले. सनई चौघडा आणि तुतारीच्या निनादात भवानी मातेचे तलवारीचे पूजन झाले. त्यानंतर खासदार उदयनराजे भोसले यांच्या सोबत सोने लुटण्याचा कार्यक्रम झाला. नागरिकांनी उदयनराजे यांना आपट्याची पाने देऊन दसऱ्याच्या शुभेच्छा दिल्या. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com