bapat pressurized police to arrest bagawe : congress | Sarkarnama


ब्रेकिंग न्यूज

राणा जगजितसिंह उस्मानाबादचे राष्ट्रवादीचे उमेदवार : पवारांची घोषणा
सोलापूर जिल्हा परिषदेचे अध्यक्ष संजय शिंदे यांचा शरद पवार यांच्या उपस्थितीत बारामतीत राष्ट्रवादी कॉंग्रेसमध्ये प्रवेश...

बापटांच्या दबावामुळे अविनाश बागवे यांना अटक : काॅंग्रेसचा आरोप

पांडुरंग सरोदे
मंगळवार, 25 सप्टेंबर 2018

पुणे : मुख्यमंत्री देवेंद्र फडणवीस, पालकमंत्री गिरीश बापट व भाजपच्या लोकप्रतिनिधींनीच षडयंत्र रचून नगरसेवक अविनाश बागवे यांच्यासह कॉंग्रेसच्या कार्यकर्त्यांना अटक करण्यासाठी पोलिसांवर दबाव आणला. हे अटकसत्र भाजप पुरस्कृतच होते, असा आरोप कॉंग्रेसचे शहराध्यक्ष रमेश बागवे यांनी मंगळवारी केला. 

पुणे : मुख्यमंत्री देवेंद्र फडणवीस, पालकमंत्री गिरीश बापट व भाजपच्या लोकप्रतिनिधींनीच षडयंत्र रचून नगरसेवक अविनाश बागवे यांच्यासह कॉंग्रेसच्या कार्यकर्त्यांना अटक करण्यासाठी पोलिसांवर दबाव आणला. हे अटकसत्र भाजप पुरस्कृतच होते, असा आरोप कॉंग्रेसचे शहराध्यक्ष रमेश बागवे यांनी मंगळवारी केला. 

कासेवाडीतील अशोक मित्र मंडळाच्या विसर्जन मिरवणुकीमध्ये ट्रॅक्‍टरचालक व साऊंड सिस्टीम मालकास मारहाण केल्याप्रकरणी बागवे यांच्यासह जयवंत मोहिते, सुरज कांबळे, अरुण गायकवाड, विठ्ठल थोरात (सर्व रा. कासेवाडी) यांना अटक केली होती. तर अन्य दहा जणांविरुद्ध गुन्हा दाखल केला होता. मंगळवारी त्यांची जामिनावर सुटका करण्यात आली. या पार्श्वभूमीवर कॉंग्रेस भवन येथे रमेश बागवे यांच्यासह मोहन जोशी, अरविंद शिंदे, शरद रणपिसे, कमल व्यवहारे, ऍड.अभय छाजेड यांनी पत्रकार परिषद घेऊन भाजप सरकारवर टीका केली. 

बागवे यांची अटक हा भाजपचा पूर्वनियोजित कट होता. पोलिसांकडे खोट्या केस दाखल करुन कॉंग्रेस पक्षाची प्रतिमा मलिन करण्याचे भाजपचे षडयंत्र आहे. त्यांनी पत्रकार, लेखक व विचारवंताना सोडले नाही. आता कॉंग्रेस पक्षाच्या कार्यकर्त्यांना अटक करण्यापर्यंत त्यांची मजल गेली आहे. एवढेच नव्हे तर या प्रकरणास जातीय वळण देऊन द्वेषभावना पसरविण्याचे काम भाजप करत आहे, असा आरोप त्यांनी केला. शहरातील सर्व काॅंग्रेस नेते बागवे यांच्या पाठीशी उभे राहिले.  

 
 

संबंधित लेख