अकोला : वंचित बहुजन आघाडीचा मोर्चा आता पुण्याकडे वळला आहे. राज्यभर अकरा अधिवेशनाचे नियोजन असून, त्यातील पहिली दोन अधिवेशने सोलापूर आणि औरंगाबाद इथे झाली. आता 26 नोव्हेंबरला पुण्यात तिसरे अधिवेशन आयोजित केले गेले आहे.
भारिप-बमसंचे राष्ट्रीय अध्यक्ष ऍड. बाळासाहेब आंबेडकर यांनी कोरेगाव भिमा प्रकरणानंतर राज्यात वंचित आघाडीचे नेतृत्व स्वीकारले. त्यांच्या नेतृत्वाखाली निर्माण झालेल्या वंचित बहुजन आघाडीचे पहिले अधिवेशन सोलापुरात पार पडले. या आघाडीत एमआयएम सहभागी झाल्यानंतर दुसरे अधिवेशन औरंगाबादला आयोजित करण्यात आले होते. लोकसभा निवडणुकीपूर्वी राज्यात अशा अकरा अधिवेशनाचे नियोजन करण्यात आले आहे.
औरंगाबादेतील दुसऱ्या अधिवेशनाला मिळालेल्या यशानंतर आता वंचित आघाडीचा मोर्चा पुण्याकडे वळला आहे. जनतेच्या हितासाठी आवश्‍यक असलेले धोरण वंचित बहुजन आघाडी या अधिवेशनांच्या माध्यमातून मांडणार असल्याचा दावा आघाडीचे नेते करीत आहेत.
अधिवेशनाचा सोशल मीडियावर प्रचार
वंचित बहुजन आघाडीतर्फे पुण्यात 26 नोव्हेंबर रोजी आयोजित करण्यात येणाऱ्या तिसऱ्या अधिवेशनाचा प्रचार सोशल मीडियाच्या माध्यमातून करण्यात येत आहे. त्यातून बहुजनांनी या अधिवेशनाला उपस्थित राहून सोलापूरनंतर पुण्यातील अधिवेशनही यशस्वी करावे यासाठी जोरदार प्रतारमोहिम राबवून आवाहन केले जात आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.